Çox vacib oyuna çıxacağıq. İkinci dəfə bu turnirin pley-off mərhələsində olacağıq. Ötən ilkindən daha yaxşı nəticə qazanmaq istəyirik. Rəqib sürətli oyunçulara malikdir və 90 meydanda yaxşı pressinq edirlər. Maraqlı oyun alınacaq. Yaxşı nəticə ilə azarkeşləri sevindirmək istəyirik. Bu rəqibə qarşı bəzi risklərə getməliyik. Hər zona həddindən artıq diqqətli olmalıyıq. Qarşıda cavab görüşü də var.
BUTA.TV xəbər verir ki, bu sözləri "Qarabağ"ın baş məşqçisi Qurban Qurbanov Bakıda Belçikanın "Gent" klubuna qarşı keçirəcəkləri UEFA Avropa Liqasının pley-off mərhələsinin ilk oyunundan əvvəl mətbuat konfransında deyib.
"Doğma meydanda çıxış edəcəyik. Azarkeş baxımından üstünlük bizdə olacaq. Böyük problemimiz yoxdur. Sadəcə, komanda tam istədiyim kimi deyil. Qarşıdakı oyunlarda daha yaxşı "Qarabağ" gözləyirəm. Buna nail olacağımıza inanıram", - Q.Qurbanov söyləyib.
Qeyd edək ki, fevralın 16-da Tofiq Bəhramov adına Respublika stadionunda keçiriləcək qarşılaşma saat 21:45-də başlayacaq. Cavab görüşü fevralın 23-də səfərdə keçiriləcək.
- "Georgi lenti"ni həmin tədbirə gətirənlər bəlli oldu - Foto
- Onlar beş nəfərdən ibarət ailəni vəhşicəsinə öldürdü...
- Hərbçilərimizin Qələbə paradında iştirakına Zaxarovadan münasibət
- Trampı Yaxın Şərqə səfərdə azərbaycanlı iş adamı da müşayiət edib
- Ərdoğanla Zelenskinin görüşü başladı
- Azərbaycanla qardaşlıq və bərabərlik istəyirik - Pezeşkian
- Prezident Edi Ramanı təbrik etdi
- Gizli danışıq: Paşinyan Əliyevin bu iki tələbini yerinə yetirəcək