"Barselona" klubu futbol üzrə İspaniya La Liqasından kənarlaşdırıla bilər.
BUTA.TV Report-a istinadən xəbər verir ki, İspaniya Kral Futbol Federasiyasının Texniki Hakimlər Komitəsinin keçmiş vitse-prezidenti Xose Mariya Enrikes Neqreyraya rüşvət verdiyi iddia olunur.
Hazırda İspaniya prokurorluğu klubla Neqreyra arasındakı münasibətlərdə korrupsiya əməlinin olub-olmadığını araşdırır. Hələlik "Barselona" nədəsə ittiham olunmur. Amma sabiq vitse-prezidentə rüşvət verildiyi sübuta yetirilirsə, klubu ciddi sanksiyalar gözləyir. Buraya La Liqadan kənarlaşdırılma ilə yanaşı, xalların silinməsi və çoxmilyonluq cərimələr də aiddir.
"Barselona"nın Neqreyraya məxsus DASNİL 95 şirkətinə 1,4 milyon avro ödədiyi bildirilir. Kataloniyalılar 2016 - 2018-ci illərdə Texniki Hakimlər Komitəsinin sabiq rəsmisinə üç dəfə ödəniş edib.
Klubdan bildirilib ki, Neqreyraya gənc oyunçular və hakimliklə bağlı hesabatlara görə pul ödənilib.
- Bu ölkə 4 günlük iş həftəsinə keçdi – Nəticə şok etdi
- Ötən gün Bakının 500-ə yaxın küçəsi yuyuldu
- Avtobus sürücüsü qapını açmadı, əlil sərnişini vurdu
- Bakıda biznesmen HƏBS EDİLDİ
- Kərə yağının qiymətində kəskin artım – Nə baş verir?
- Ağdamda ev yanaraq kül oldu
- Fransada polisə qılıncla hücum edildi - VİDEO
- Azərbaycanlılardan bu cür istifadə əxlaqsızlıqdır - Zurabişvili