Avropada yaşayan Güney azərbaycanlıların aksiyasına hazırlıqlar tam gücü ilə davam edir. Martın 25-də Brüsseldə keçirilməsi nəzərdə tutulan tədbirin Koordinasiya Mərkəzi bəzi işlərlə bağlı yekun rəyə gəlib. Belə ki, Saleh Kamrani və Şərifə Cəfəri Mərkəzin sözçüsü seçilib.
Bu barədə BUTA.TV-a Mərkəzin Meda qrupunun üzvü Qadir Cəliloğlu məlumat verib.
Bildirib ki, yürüşün “Azadlıq, ədalət” adı altında keçirilməsi planlaşdırılır.
“Maliyyə, logistika və media qrupları yaradılıb. Bu tərkibdə yer alanlar aksiya üçün iznalma prosesi, soydaşlarımızın Brüsselə gətirilməsi, platformaları hazırlamaq, afişanın dizaynı kimi ciddi hazırlıqlara başlayıb. Avropanın müxtəlif şəhərlərindən soydaşlarımızın Brüsselə gəlməsinə yardımçı olacaq könüllülər lazımdır. Maddi dəstək toplamaq üçün soydaşlarımızın iştirakına açığıq.
Əgər icazə ala bilməsək, başqa şəhər də nəzərdə tutulub. Aksiya ilə maraqlananlar çoxdur, Azərbaycan Respublikasından olan soydaşlarımızın da diqqətini çəkib. Onlar da şəxsi olaraq dəstəklərini göstərirlər”.
Qeyd edək ki, BUTA.TV aksiyanın media dəstəkçisidir.
- Bərdə terrorundan 4 il ötür
- 8 Noyabr prospektində işlər nə zaman yekunlaşacaq? - Video
- Sabahın havası meteohəssas insanlar üçün necə olacaq?
- Kanaldan çıxarılan maral nəzarət altındadır - Video
- Bu yerlərdə maşın saxlayanların cəriməsi açıqlandı
- Ziya Məmmədov bağ evini satışa çıxardı: FANTASTİK MƏBLƏĞ - FOTOLAR
- Ramiz Mehdiyev bu vəzifəsini də itirdi
- Şah İsmayılın portretinin orijinalı - Video