Azərbaycanda polietilen torbaların pulsuz verilməsinə 15 fevraldan son qoyulub. Artıq mağazalarda kiçik ölçülü torbalar 3 qəpiyə, böyük ölçülülər isə 5 qəpiyə satılır. Qərarda əsas hədəf təbiətə ciddi ziyan vuran polietilen torbalardan istifadənin azalmasıdır.
Artıq qərardan yarım ay keçib. Bu müddətdə torbalardan istifadədə azalma müşahidə edilibmi?
Bu barədə BUTA.TV-a açıqlama verən “Araz” supermarketlər şəbəkəsinin PR meneceri Arzu Əliyeva bildirib ki, 15 fevral tarixindən öncə polietilen paketlər ödənişsiz olduğundan satış məhsulu kimi kassadan keçmirdi:
“Bu səbəbdən də 15 fevraldan öncə gündəlik nə qədər paket istifadə olunduğuna dair monitorinq aparılmayıb. Öncəki statistik məlumatlar olmadığından ötən dövrlə cari tarixi müqayisə edə bilmirik”.
Ayrı-ayrı mağazaların satıcıları isə polietilen torbalardan istifadənin yarıya qədər azaldığını bildirdilər. Bu azalma xüsusilə şəhər kənarlarında müşahidə edilir.
Şəhər mərkəzində isə polietilen torbalardan istifadədə əhəmiyyətli azalma hələlik yoxdur.
- Zəngəzur anlaşması: İlham Əliyev tələb etdi, İrəvan razılaşdı
- Sabah Bakıda İsrail və Suriya rəsmiləri görüşəcək
- ABŞ diplomatı Şəhidlər xiyabanında - Foto
- Şlyapa Zahidə hökm oxundu
- Kiyev Moskva ilə Bakı arasında təxribat törətməyə hazırlaşır
- Qusmanın dövlət mükafatları ləğv edilsin - Mironov
- Azərbaycan qazının Suriyaya nəqli bu tarixdən başlayır
- Rusiya DİN Şıxlinskini axtarışa verdi - Foto