Atmosfer havasının keyfiyyətinin monitorinqi gündəlik olaraq Bakı şəhərinin Səbail, Xətai, Nizami, Nərimanov rayonları və Sumqayıt, Gəncə şəhərləri ərazisində hava keyfiyyəti üzrə fasiləsiz fəaliyyət göstərən avtomatik stansiyalar vasitəsilə həyata keçirilir.
BUTA.TV Ekologiya və Təbii Sərvətlər Nazirliyinin rəsmi Feysbuk səhifəsinə istinadla xəbər verir ki, stansiyalardan əldə edilən məlumatların təhlilinə əsasən, gün ərzində Bakı şəhəri üzrə hava keyfiyyət göstəricilərindən dispers toz hissəciklərinin miqdarı normadan 1.4-2, dəm qazı 1.6, azot-4 oksidin miqdarı Sumqayıt şəhərində 1.3, Gəncə şəhərində isə 1.1 dəfə normadan yüksək qeydə alınıb.
Toz proqnoz modellərinə əsasən müşahidə olunan tozlu hava şəraiti transsərhəd xarakterlidir, dəm qazı və azot-4 oksidin miqdarının normadan yüksək olmasına səbəb isə nəqliyyatın hərəkətinin intensiv xarakter daşıması və digər antropogen təsirlərlə əlaqədardır.
Sinoptik vəziyyətlə əlaqədar tozlu hava şəraitinin qısamüddətli olacağı və sabah günün ikinci yarısına qədər davam edəcəyi gözlənilir.
- Bərdə terrorundan 4 il ötür
- 8 Noyabr prospektində işlər nə zaman yekunlaşacaq? - Video
- Sabahın havası meteohəssas insanlar üçün necə olacaq?
- Kanaldan çıxarılan maral nəzarət altındadır - Video
- Bu yerlərdə maşın saxlayanların cəriməsi açıqlandı
- Ziya Məmmədov bağ evini satışa çıxardı: FANTASTİK MƏBLƏĞ - FOTOLAR
- Ramiz Mehdiyev bu vəzifəsini də itirdi
- Şah İsmayılın portretinin orijinalı - Video