Bolqarıstanın paytaxtı Sofiyada keçirilən Dan Kolov - Nikola Petrov turniri başa çatıb.
BUTA.TV xəbər verir ki, yarışın son günündə iki güləşçimiz final görüşünə çıxıb.
Mariya Stadnikin (50 kq) qazaxıstanlı Svetlana Ankiçevayla qarşılaşması cəmi 35 saniyə çəkib. Qadınlardan ibarət yığmanın lideri rəqibinə tam üstünlüklə (10:0) qalib gələrək cari ildə ilk titulunu qazanıb.
125 kq-da çıxış edən sərbəst güləşçi Georgi Meşvildişvili isə həlledici görüşdə iranlı Mustafa Tağaniylə üz-üzə gəlib. İlk hissəni 2:0 öndə tamamlayan milli üzvü ikinci yarıda üstünlüyünü bir qədər də artırıb. Yekunda 7:2 hesablı qələbə qazanan Meşvildişvili fəxri kürsünün ən yüksək pilləsinə qalxıb.
Bununla Azərbaycan güləşçiləri ənənəvi yarışda ümumilikdə 4 medal qazanıblar. Daha öncə sərbəst güləşçilərdən İntiqam Vəlizadə (61 kq) gümüş, İbrahim Yusubov (92 kq) isə bürünc medal əldə edib.
- Azərbaycan və ABŞ arasında birgə investisiya platforması...
- Tarasov Zəngəzur barədə: İranı bu söz qorxudur
- Çərçivə Sazişi ilə bağlı mühüm açıqlama
- NK-da Əliyevin Vaşinqton səfəri ilə bağlı xüsusi iclas...
- Paşinyan Bakının tələbi ilə bu sənədi ləğv edəcək - Matevosyan
- Erməni mediası: "İlham, sən böyük lidersən" - Foto
- İlham Əliyev bu xəbərlə Azərbaycan xalqını sevindirdi
- Tarixin təhrif olunmasına bir daha imkan verilməyəcək