Ermənistan hökuməti Niderlanddakı Daşnaksütyun Baş Assambleyasının üzvü Aslan Aslanyanın ölkəyə buraxılmasına icazə verməyib.

BUTA.TV xəbər verir ki, bunu Daşnaksütyun partiyasının üzvü, erməni deputat Geqam Manukyan deyib.

“Səhər tezdən Niderlandda Daşnaksütyun Baş Assambleyasının üzvü Aslanyan mənə zəng edərək bildirdi ki, o, ailəsi ilə İrəvana gəlib, lakin sərhədçilər onun ölkəyə daxil olmasına qadağa qoyublar. Onun adının Ermənistan hökumətinin qara siyahısında olduğu deyilib. Aslanyan 5 saatdır ki, hava limanında qeyri-müəyyən vəziyyətdə qalıb və pasportu əlindən alınıb”, - o bildirib.

Qeyd edək ki, Ermənistan hökumətinin Daşnaksütyunun avropalı nümayəndələrinin ölkəyə girişinə qadağa qoyması ilk hal deyil. Ötən il Daşnaksütyunun Fransadakı erməni təşkilatlarının əlaqələndirmə şurasının həmsədri Murad Papazyan da Ermənistana buraxılmayıb.

• Azərbaycan və Ukrayna arasında məsləhətləşmələr aparıldı
• "Sputnik Azərbaycan"ın ofisində saxlanılanların adları
• AB səfirindən Yekaterinburqdakı zorakılığa reaksiya
• Konstitusiya Məhkəməsinə hakimlər təyin olunacaq
• Şuşada 6-cı İƏT biznes forumu keçiriləcək
• "Sputnik Azərbaycan"dakı əməliyyatla bağlı rəsmi açıqlama
• Azərbaycan səfiri Rusiya XİN-ə çağırıldı
• Bakıda FTX əməkdaşlarının saxlanılması: Rusiya nə planlaşdırırdı?