Mateus Saldanya rəqiblə bağlı bütün məlumatları portuqaliyalı köməkçimə ötürüb.

BUTA.TV xəbər verir ki, bunu Serbiyanın "Partizan" komandasının baş məşqçisi İqor Dulyay Bakıda "Sabah"a qarşı keçirəcəkləri UEFA Konfrans Liqasının III təsnifat mərhələsinin ilk oyunundan öncə mətbuat konfransında deyib.

44 yaşlı mütəxəssis Azərbaycan təmsilçisini yaxşı təhlil etdiklərini bildirib:

"Komanda 2017-ci ildə yarandığı üçün zəif və ya güclü olduğunu söyləmək çox çətindir. Ümumiyyətlə, indi futbolda asan rəqib yoxdur. Əsas üstünlükləri odur ki, az qol buraxırlar. "Sabah"ın heyətində bir-iki maraqlı futbolçu var. Ciddi rəqibdir. Bununla yanaşı, Bakıda havanın isti və rütubətli olması bizə problem yarada bilər".

Serbiyalı mütəxəssis "Sabah"dakı həmkarı Murad Musayevin keyfiyyətli məşqçi olduğunu söyləyib:

"Gəncdir, komandasında istedadlı oyunçular var. Topu itirəndə daha təhlükəli olurlar. Ehtiyatlı olmalıyıq, sürətli futbolçuları var. Maraqlı və çətin oyun olacaq".

Qeyd edək ki, avqustun 10-da "Bank Respublika Arena"da keçiriləcək qarşılaşma saat 20:00-da başlayacaq. Cavab görüşü avqustun 17-də Belqradda olacaq.

• Arzum xəstəxanada 21 dəqiqə qalıb - Maşını aeroportdan götürülüb
• Bu marşrutun hərəkət sxemi və avtobusları dəyişdirilir
• Bakıda iki küçədə hərəkət məhdudlaşdırılacaq
• Peter Pelleqrininin şərəfinə rəsmi nahar verildi
• “Sabah” səfərdə hesabı açdı - Yenilənir+Canlı
• Kəmaləddin Heydərov Matuş Şutoy-Eştok ilə görüşdü
• Əli Əhmədovun həyat yoldaşı bu klinikanın direktoru oldu
• Bakıda bu ərazilərdə yol təmiri başa çatdı