Fövqəladə Hallar Nazirliyinin “112" qaynar telefon xəttinə Bakı şəhərinin Qaradağ rayonu, Müşfiqabad qəsəbəsində binada yanğın baş verməsi barədə məlumat daxil olub.
FHN-dən BUTA.TV-a bildirilib ki, məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Hadisə yerində əməliyyat şəraiti qiymətləndirilərkən beşmərtəbəli yaşayış binasının 3-cü mərtəbəsində yerləşən mənzildə yanğın baş verdiyi müəyyən edilib.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb.
Yanğın nəticəsində beşmərtəbəli yaşayış binasının 3-cü mərtəbəsində ümumi sahəsi 75 kv.m. olan üçotaqlı mənzilin 1 otağının yanar konstruksiyaları 18 kv.m. sahədə yanıb. Qonşu mənzildə köməksiz vəziyyətdə qalan azyaşlı xilas edilərək aidiyyəti üzrə təhvil verilib. Təhlükəsizlik tədbirləri çərçivəsində bina sakinləri təxliyə edilib.
Mənzilin böyük hissəsi və bitişik mənzillər yanğından mühafizə olunub.
- Daha 3 şəhidimiz dəfn olacaq - Foto
- İlkin hesabat Rusiyanın iddialarını alt-üst etdi
- Qəzanın ilkin hesabatı: Rus mediası, görün, necə yaydı
- Paşinyan "artsax" bayraqlarını dirəyindən kəsdirir
- Təsdiqləndi: qəza buna görə olub – bəs, niyə Aktauya uçub?
- Paşinyan Bakıya təzyiq etməməyi xahiş edəcək - Sərkisyan
- Şəmşad Ağa saxlanıldı
- “Qumar kralı” Yusif həbs edildi