Paşinyan 2016-cı ildə Qarabağ haqda, görün, nə deyibmiş

15:14 - 2 Aprel 2024 - GÜNDƏM

 Paşinyan 2016-cı ildə Qarabağ haqda, görün, nə deyibmiş

Paşinyanın 2016-cı ildə, hələ deputat olarkən Azərbaycana münasibəti, Qarabağ mövzusunda fikirləri tamamilə fərqli idi.

BUTA.TV Globalinfo.az-a istinadən xəbər verir ki, bu barədə “Aravot” nəşrinin məqaləsində qeyd olunur.

Nəşr N.Paşinyanın 2016-cı ildə o zamankı hakimiyyətin Azərbaycanla münasibətlərin tənzimlənməsi üçün Qarabağ məsələsində kompromisə getmək fikrini tənqid etdiyini bildirib.

Bununla bağlı baş nazirin 8 il öncə öz Feysbuk hesabında canlı yayımda səsləndirdiyi fikirlər xatırladıb.

Bu xəbər hal-hazırda çox oxunur
Cavanşir Məmmədov vəfat etdi

Paşinyan həmin çıxışında bildirib:

“Sadəcə güzəşt atmosferinin mövcud olduğu şəraitdə kompromisdən danışmaq mümkündür. Rəqibiniz və ya qarşı tərəf sizi məhv etməklə hədələyəndə siz cavab olaraq deyirsiniz: “Biz kompromislərə hazırıq. Bu isə artıq o deməkdir ki, siz təslim olmağa hazırsınız”.

Baş nazir bu açıqlamasından 2 il sonra – 2018-ci ildə Ermənistan KİV-ə müsahibəsində bu fikrini bir daha xatırladıb:

“Nə qədər ki Azərbaycan Xankəndidə və İrəvanda çay içməkdən danışır, biz erməni lüğətindən kompromis sözünü silməliyik”.

Nəşr yazır ki, Paşinyan 2018 və 2020-ci ildən sonra Azərbaycana münasibətdə fikirlərini tamamilə dəyişib. Son olaraq Tavuş bölgəsinə bitişik 4 kəndin Ermənistana aid olmadığını açıqlaması və Azərbaycana təhvil verilməsi ilə bağlı çağırış etməsi buna sübutdur.


Ən son xəbərləri səhifəmizdən də izləyin

Buta.ws

Qeydiyyat

Facebook ilə daxil ol

Daxil

Facebook ilə daxil ol