Hazırda Türkiyə Azərbaycanın ən böyük iqtisadi tərəfdaşlarındadır. 2023-cü ildə Türkiyə ilə ticarət dövriyyəmiz 7 milyard 650 milyon dollaradək yüksəlib. Bu, 2022-ci illə müqayisədə 30 faiz artım deməkdir. Hədəf yaxın illərdə ticarət dövriyyəsini 15 milyard dollara çatdırmaqdır.

BUTA.TV xəbər verir ki, bu sözləri iqtisadçı ekspert, millət vəkili Vüqar Bayramov Prezident İlham Əliyevin türkiyəyə bugünkü işgüzar səfəri çərçivəsində qeyd edib.

O bildirib ki, Türkiyə 15 faizlik pay ilə İtaliyadan sonra Azərbaycanın ikinci ən böyük ticarət tərəfdaşıdır:

“Ötən il Azərbaycanın Türkiyəyə ixracatı 5 milyard 359 milyon dollar, qardaş dövlətdən idxalımız isə 2 milyard 291 milyon dollar olub. Digər tərəfdən, Türkiyə ötən il Azərbaycanın 3 milyard 348 milyon dollarlıq qeyri-neft ixracatının 23.4 faizini formalaşdırıb.

Bu ilin ilk rübündə ölkələr arasındakı ticarət dövriyyəsi 1 milyard 469 milyon dollar olub. Tərəflər qeyri-enerji sektoru üzrə də əməkdaşlığı gücləndirirlər. İki ölkə arasındakı sərmayə qoyluşlarında da kəskin artımlar müşahidə edilməkdədir.

Göründüyü kimi, iqtisadi əlaqələr bütün istiqamətlərdə inkişaf etməkdədir. Azərbaycan Prezidentinin səfəri iki ölkə arasında əlaqələrin daha da güclənməsinə xidmət edəcək”.

• Homofob şüarlara görə oyunu bitirən, bir matçda 4 “qırmızı” göstərən - Kimya professoru kimdir?
• “Hakim bu səviyyəyə uyğun idimi?” - Deşamdan qalmaqallı açıqlama
• İspaniya DÇ-nin finalında! - Video-Yenilənib
• Bəzi ərazilərdə işıq olmayacaq
• Estetiksiz qadın, yoxsa təbii dondurma? - Foto
• Arzum xəstəxanada 21 dəqiqə qalıb - Maşını aeroportdan götürülüb
• Bu marşrutun hərəkət sxemi və avtobusları dəyişdirilir
• Bakıda iki küçədə hərəkət məhdudlaşdırılacaq