Bakıda zəncirvari yol-nəqliyyat hadisəsi baş verib.
BUTA.TV Oxu.az-a istinadən xəbər verir ki, Aeroport şosesində Dövlət Yol Polisi (DYP) avtomobili də daxil olmaqla bir neçə maşın toqquşub. Avtomobillərə ciddi ziyan dəyib.
Hadisə ilə açıqlama verən Bakı Şəhər Dövlət Yol Polisi İdarəsinin bölmə rəisi Toğrul Nəsirli faktı təsdiqləyib.
Onun sözlərinə görə, bu gün saat 13:00-da paytaxtın Xəzər rayonu ərazisində zəncirvari yol-nəqliyyat hadisəsi baş verib:
"Yol Patrul Xidmətinin avtomobili xidmət apararkən "Nissan" markalı nəqliyyat vasitəsi idarəetmədən çıxaraq arxadan ona çırpılıb. Daha sonra nəqliyyat vasitəsi yolun hərəkət hissəsinə çıxıb. Orada evakuator "Nissan"ı vurmamaq üçün manevr edərək əks istiqamətə çıxıb və qarşıdan gələn "Toyota" markalı nəqliyyat vasitəsinə çırpılıb.
İlkin məlumata əsasən, "Toyota" markalı nəqliyyat vasitəsinin sürücüsü xəsarət alıb".
Qeyd olunub ki, faktla bağlı araşdırma aparılır.
- Sobçak Rövşən Məmmədovu hədəfə aldı - Video
- Makrondan erməni dilində paylaşım: Azərbaycanla sülh...
- AB-dən ABŞ-ın rüsum qərarı ilə bağlı sərt gedişat
- Ermənilərin işgəncə vermələrini əks etdirən kadrlar göstərildi
- "AccessBank"ın xalis mənfəəti 7 milyon manat azaldı
- Xəzər dənizi barədə son açıqlama: Quruyacaqmı?
- "Aqro Point"in nizamnamə kapitalı yenə azaldı
- Ələsgər Ələsgərov nazir müavini təyin olundu