ABŞ-ın "Virginia Commonwealth" Universitetinin Tibb Fakültəsinin və "Richmond" Tibb Mərkəzinin alimləri müəyyən ediblər ki, idrak qabiliyyəti zəif olan insanların 13%-də yaddaş pozğunluğu qaraciyər sirrozu səbəbindən yaranır.
BUTA.TV Medicina.az-a istinadən xəbər verir ki, tədqiqatın nəticələri “The American Journal of Medicine”də dərc olunub.
Tədqiqatda 2009-2019-cu illər arasında demensiya ilə üzləşmiş təxminən 69 min könüllü iştirak edib. Alimlər iştirakçıların həyat tərzi və sağlamlıq vəziyyəti haqqında məlumat toplayıb, sonra onların hər birinin qaraciyər toxumasının vəziyyətini qiymətləndiriblər.
Qaraciyərin çapıqlaşması və ya fibroz, qaraciyərin orqan hüceyrələrinin funksiyasının pozulmasına cavab olaraq birləşdirici toxumanın miqdarını tədricən artırdığı dinamik bir prosesdir. Proqressiv çapıqlanma siroz üçün xarakterikdir - orqanın strukturunun pozulması səbəbindən qaraciyər normal funksiyalarını yerinə yetirə bilmir.
Alimlər müəyyən ediblər ki, demensiyalı xəstələrin 13%-də koqnitiv geriləmə beyindəki spesifik dəyişikliklərlə deyil, qaraciyərdəki çapıqlarla əlaqəlidir.
Tədqiqatçıların fikrincə, yaddaş və diqqətin pisləşməsi qaraciyər ensefalopatiyası nəticəsində mərkəzi sinir sisteminə dəyən ziyana görə baş verə bilər.
Qaraciyər ensefalopatiyası normalda qaraciyər tərəfindən təmizlənməli olan zəhərli maddələrin qanda toplanması və beyinə getməsi ilə baş verir.
Alimlər deyirlər ki, qaraciyərin zədələnməsi nəticəsində yaranan demensiyanı müalicə etmək mümkün ola bilər.
Qaraciyərdə iltihab prosesinin aktivliyini azaltmaqla yaddaşı yaxşılaşdırmaq olar.
- Fransanın ölkəmizdəki səfirinin diplomatik fəaliyyəti başa çatdı
- Bakı qarşısında belə bir öhdəlik götürməmişik - Mirzoyan
- Əliyevin məktubu oxunanda Sərkisyan başını aşağı saldı...
- Ölkəmiz regional orta güc dövlətinə çevrilib - Bayramov
- Ermənistanı anlatmaq üçün çox vaxt və səy sərf etdik... - Prezident
- Təbrizdə 24 yaşlı qadın edam edildi
- Digər ölkələri qazla təchiz edə bilərik - İlham Əliyev
- O, mənim kimi eyni qanı daşıyır - Prezident