İlin sonuna 3 aydan bir qədər artıq vaxt qaldığı üçün pensiya və maaşların artması məsələsi yenidən gündəmə gəlib. Vətəndaşlar artımların ilin sonunda baş verəcəyinə ümid edirlər.

BUTA.TV xəbər verir ki, iqtisadçı-analitik, Əmək və Əhalinin Sosial Müdafiəsi Nazirliyi yanında İctimai Şuranın sədri, professor Elşad Məmmədov Globalinfo.az-a açıqlamasında cari ilin sonuna yaxın maaş və pensiyaların artımı ilə bağlı müvafiq qərarların gözlənildiyini deyib.

“Məlumdur ki, əməkhaqqı fondunun artımına, bu fonddakı dəyişikliklərə stimul verən əsas istiqamətlərdən biri də minimum əməkhaqqının artması ilə bağlıdır. Həmin seqment üzrə qərarlar isə prezidentin sərəncamı əsasında qəbul olunur. Minimum əməkhaqqının artımı, şübhəsiz ki, bütövlükdə ölkə üzrə əməkhaqlarına təsirlərini göstərir”.

İqtisadçının fikrincə, ilin sonunda minimum əməkhaqqı 400 manat ola bilər:

“Pensiya artımı ilə bağlı prosedur isə ondan ibarətdir ki, il ərzində rəsmi statistik məlumatlara görə, inflyasiyanın göstəricilərinə uyğun hər il pensiyalarda indeksləşmə həyata keçilir. Ona görə düşünürəm ki, pensiya artımını gələn ilin əvvəllərində görmək mümkün olacaq. O artımlar isə bu ilin inflyasiya göstəricilərinə uyğun həyata keçiriləcək”.

Elşad Məmmədov deyib ki, ölkədə son illər sosial artımlar edilir:

“Sosial müdafiə sistemindəki şəffaflığın, effektiv idarəetmənin tətbiqi nəticəsində bu istiqamətlər üzrə mütərəqqi yanaşmalar qeydə alınır. Bunlara əsaslanaraq, ilin sonunda müvafiq artımları gözləmək olar. Sözsüz ki, bu həm əhalinin sosial rifahının möhkəmlənməsinə, həm də iqtisadiyyatın müvafiq təkan almasına xidmət edir. Çünki sosial sahədəki artımlar əhalinin alıcılıq qabiliyyətinin qorunmasına, inkişaf etdirilməsinə xidmət edir ki, bu da öz növbəsində iqtisadiyyata təkan verir”.

• SEPAH Zəngəzurdan əl çəkmir: NATO, sionist və pantürkistlər...
• Pezeşkiandan Azərbaycanla bağlı çağırış
• Azad edilmiş ərazilərdə təhlükəli radioaktiv maddələr aşkarlanıb
• Suriya və İsrail Bakıda danışıqlar aparıb - Hacıyev
• Təyyarəmizin vurulması: Rusiyadan bunu gözləyirik - Hacıyev
• Bakının 1 gündə 2 jestinə Rus Ayısının cavabı: Bu, tarixi şansdır!
• Azərbaycanlı iş adamları Rusiyanı təcili tərk edir – Səbəb
• İran Qarabağın işğalında Ermənistana necə dəstək verib? - Faktlar