Qazaxıstanın nəqliyyat naziri Marat Karabayev "Azərbaycan Hava Yolları"na məxsus J2-8243 nömrəli Bakı-Qroznı reysini yerinə yetirən "Embraer 190" təyyarəsinin necə qəzaya uğramasından danışıb.
BUTA.TV Publika.az-a istinadən xəbər verir ki, bu barədə "Kazinform" məlumat yayıb.
“Hava limanının təcili yardım xidmətləri təyyarəni qəbul etməyə hazır idi. Qazaxıstan Respublikasının hava məkanına daxil olduqdan sonra ekipaj Aktau şəhərindəki qüllənin nəzarətçisi ilə əlaqə yaradıb”, - deyə Qazaxıstan Nəqliyyat Nazirliyinin rəhbəri bildirib.
Karabayev əlavə edib ki, dispetçer tez bir zamanda təyyarənin aerodromda enişini təmin etmək üçün bütün lazımi tədbirləri görüb.
Nəqliyyat naziri vurğulayıb ki, uçuş-enmə zolağı ilə vizual əlaqənin qurulmasını asanlaşdırmaq üçün uçuş-enmə zolağının işıqları yandırılıb.
Nazir bildirib ki, ekipaj Aktau aerodromunun uçuş-enmə zolaqlarına yaxınlaşmaq üçün iki cəhd edib - gəminin hündürlüyündə xaotik dəyişikliklər müşahidə edilib - o, sahil xəttinə doğru çıxıb.
Karabayev bildirib ki, yerli vaxtla saat 11:28-də ekipajla əlaqə kəsilib və təyyarə “yerlə toqquşub”.
Qazaxıstan Nəqliyyat Nazirliyinin rəhbəri qeyd edib ki, Aktau hava limanının xilasetmə xidməti dərhal hadisə yerinə gedib və qəza yerinə birinci gəlib, bundan sonra onlar operativ şəkildə təyyarənin sərnişinlərini təxliyə etməyə başlayıblar.
- Putin Kurenkovla Aktaudakı qəzanı müzakirə etdi
- AZAL təyyarəsini vurulması hansı dəhşətli faktı üzə çıxartdı?
- Səudiyyə Kralı və Baş naziri İlham Əliyevə başsağlığı verdi
- Yaponiya XİN başçısı Azərbaycana başsağlığı verdi
- Rusiya üzr istəyib, təzminat ödəyəcək? - Markov
- Gələn il üçün yaşayış minimumu təsdiqləndi
- Rusiya Azərbaycana nə qədər təzminat ödəməlidir?
- AZAL təyyarəsi Kadırov-Kərimov savaşına qurban getdi