İran Prezidenti Məsud Pezeşkianın özünün X hesabında Şəhriyarın “Heydərbabaya salam” poemasından bir bənd paylaşması etirazla qarşılaşıb.
BUTA.TV xəbər verir ki, bu barədə yerli sosial media şəbəkəsində məlumatlar yayılıb.
"Fəcr Film Festivalı təşkilatçıları və sənətçilərlə görüşümdə Şəhriiyarın ”Heydərbabaya salam” poemasından “ Heydərbaba, göylər bütün dumandı, Günlərimiz bir-birindən yamandı, Bir-birizdən ayrılmayın amandı!” bəndini oxudum. Bununla demək istədim ki, bu gün daha çox birliyə ehtiyacımız var və aramızda dağınıqlıq yaradılmasına icazə verməməliyik", - Pezeşkian yazıb.
Azərbaycanlı sosial media fəalları Pezeşkianı seçkiqabağı Azərbaycan dili ilə bağlı verdiyi vədləri ört-basdır etməkdə günahlandırıblar:
"Cənab Pezeşkian! Türkcə şeir paylaşmaq yaxşıdır, ancaq bu, heç bir dərdə dərman etmir. Yaxşı olardı ki, Konstitusiyanın 15-ci maddəsinin icrası və Urmiya gölünün bərpası ilə bağlı verdiyiniz vədləri yerinə yetirəsiniz", - paylaşımlarda qeyd olunub.
- Bakı və İrəvanın razılaşması Trampın şüarı ilə şərh edildi
- Silahlar Xankəndidən və Ermənistandan gətirilirdi - Babayan
- Qadınları yalandan hamilə olduqlarına inandıran "İlin həkimi": Çox sayda körpəni "öldürüb"
- “Gəlib dedi ki, Nəcməddin Sadıkov göndərən adamam” - Fazil Məmmədovdan xahiş edibmiş
- Bakı və İrəvan sülh sazişini bu ölkədə imzalasın!
- Rusiya qayıdır, Nikol tələsməlidir: Sülh üçün son addım…
- Rəsmi İrəvan Bayramovun bu açıqlamasını təsdiqlədi
- Nikol: Azərbaycan üzərindən Rusiyaya çıxmaq istəyirik