Gecə saatlarında Bakı şəhərinin Nəsimi rayonu ərazisində, 28 May və Rəşid Behbudov küçələrinin kəsişdiyi nöqtədə yol-nəqliyyat hadisəsi qeydə alınıb.

BUTA.TV xəbər verir ki, hadisə ilə bağlı Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) məlumat yayıb.

Bildirilib ki, işıqforun qadağanedici işarəsinə məhəl qoymayaraq, hərəkətini davam etdirən minik avtomobili qəzaya düşüb. Belə ki, sürücü yolayrıcına daxil olan digər nəqliyyat vasitəsindən qəfil manevrlə yayınmaq istəyib və bu zaman idarəetməni itirib, işıqfora çırpılıb.

Zərbənin təsirindən 1 ədəd işıqfor sıradan çıxaraq yararsız vəziyyətə düşüb.

Hazırda Nəqliyyatı İntellektual İdarəetmə Mərkəzi tərəfindən zədələnmiş qurğunun yenilənməsi məqsədilə təmir-bərpa işlərinə start verilib.

Məlumat üçün qeyd edək ki, ötən il ərzində paytaxtın inzibati ərazisindəki prospekt və küçələrdə baş verən 55 yol-nəqliyyat hadisəsi zamanı işıqforlara ciddi ziyan dəyib və ya onlar tamamilə yararsız hala gəlib. Bu kimi hallarla bağlı zəruri tədbirlər görülüb.

• Nazirlikdən küləkli havada çimərliyə gedənlərə xəbərdarlıq
• Ermənistana 8 vaqon buğda göndərildi
• Bakıda mağaza uçdu: qadın dağıntılar altında qaldı - Video
• Evdən 21 yaşlı qızın meyiti tapıldı
• “28 May”da vəziyyət necədir? - Fotosessiya
• Elman Paşayevin oğlunun ittiham olunduğu cinayət işi: Yeni təfərrüat
• Metroya minənlərin nəzərinə! - Bu gündən xətlər ayrılır
• “Sevgilim olduğuna görə məni hamının qarşısında şallaqladılar”