Azərbaycan Dəmir Yolları QSC (ADY) kənar müdaxilələrin dəmir yollarına təsirini minimuma endirmək üçün davamlı maarifləndirmə işləri aparsa və infrastrukturda yenilənmələr həyata keçirsə də, bu cür hallar hərəkətin təhlükəsizliyinə mane olan əsas amillərdən biri olaraq qalır.

Bu barədə BUTA.TV-a qurumdan məlumat verilib.

Bildirilib ki, 2025-ci il ərzində diqqətsizlik, tələskənlik və qaydalara laqeyd yanaşma nəticəsində ADY qatarlarının maşinistləri yola qəfil insan çıxmasına görə 123 dəfə təcili tormozlama edib. 18 halda toqquşma qaçılmaz olub. Bundan başqa, nəzarətsiz buraxılmış heyvanlarla 61 toqquşma hadisəsi qeydə alınıb.

Bu hadisələr tələfat və xəsarətlərlə yanaşı, qatarların gecikməsinə, dövlət əmlakına ziyan dəyməsinə və sərnişinlərin ciddi təhlükəsizlik riskləri ilə üzləşməsinə səbəb olur.

ADY vətəndaşları dəmir yollarını keçərkən diqqətli və ehtiyatlı olmağa, yalnız rəsmi keçidlərdən istifadə etməyə və təhlükəsizlik qaydalarına ciddi əməl etməyə çağırır.

• Nazirlikdən küləkli havada çimərliyə gedənlərə xəbərdarlıq
• Ermənistana 8 vaqon buğda göndərildi
• Bakıda mağaza uçdu: qadın dağıntılar altında qaldı - Video
• Evdən 21 yaşlı qızın meyiti tapıldı
• “28 May”da vəziyyət necədir? - Fotosessiya
• Elman Paşayevin oğlunun ittiham olunduğu cinayət işi: Yeni təfərrüat
• Metroya minənlərin nəzərinə! - Bu gündən xətlər ayrılır
• “Sevgilim olduğuna görə məni hamının qarşısında şallaqladılar”