Gəncədə yas mərasimində qidadan kütləvi zəhərlənmə baş verib.

“BUTA.TV” xəbər verir ki, təxminən 10-a yaxın şəxs zəhərlənmə diaqnozu ilə xəstəxanalardan birinə yerləşdirilib.

Onlar arasında azyaşlılar da var.

İlkin olaraq xəstəxanaya aparılan şəxslər aşağıdakılardır:

Nuriyə Rüstəmova (1962)

Amin Teymurlu (1986)

İ. Məmmədov (2017)

Z. Hüseynova (2015)

U. İsyaev (2020)

Bənövşə  Əliyeva (1963)

Sevil Hüseynova (1987)

Mahirə İsmayılova (1983)

***

TƏBİB-dən bildirilib ki, saat 18:00 radələrində başlayaraq Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Yoluxucu xəstəliklər şöbəsinə 8 nəfər (3 kişi, 5 qadın) hospitalizasiya olunub.

Qeyd edilib ki, onlara zəhərlənmə şübhəsi ilə zəruri tibbi xidmətlər göstərilib.

Hazırda müvafiq şöbədə müalicələri davam etdirilir, vəziyyətləri stabil qiymətləndirilir.

***

Hadisə ilə bağlı Azərbaycan Qida Təhlükəsizliyi Agentliyi məlumat yayıb.

“12 iyul Gəncə şəhərində keçirilən yas mərasimində baş verən hadisə ilə əlaqədar Azərbaycan Qida Təhlükəsizliyi Agentliyinin Gəncə-Daşkəsən regional bölməsinin əməkdaşları tərəfindən araşdırma aparılıb.

İlkin məlumata görə, özlərini narahat hiss edən şəxslərə xəstəxanada müvafiq tibbi yardım göstərilib. Onlara dəqiqləşdirilməmiş bakterial qida zəhərlənməsi diaqnozu qoyulub. Həkim müayinəsindən sonra vəziyyətləri qənaətbəxş qiymətləndirilib və xəstələr evə buraxılıblar.

Hadisənin səbəblərinin müəyyənləşdirilməsi məqsədilə mərasimdə təqdim olunan, məişət şəraitində hazırlanan qida məhsullarından nümunələr götürülərək laborator müayinələrə təqdim edilib.

Araşdırmalar davam etdirilir”, - məlumatda deyilir.

• Dağıdıcı qasırğa sürətlə qərbə doğru hərəkət edir
• İran rəsmiləri ilə görüşmək istəmirik - Tramp
• Polşa nüvə silahlarını istəmir - Zalevksi
• Trampdan şok: Bu okeanların adı dəyişdirilə bilər!
• Sentyabrda sülh danışıqları olacaq? - Kremldən açıqlama
• Tunis sahilində miqrant qayığı batdı: 14 nəfər öldü
• Pezeşkian: İran və Qətər əməkdaşlığı bərpa edə bilər
• “Barselona” “Sabah”a rəqib oldu - Bakıya gələcək-Video-Yenilənib