Rusiyanın Donetsk və Luqansk vilayətlərinin hamısını ələ keçirmək niyyəti hələ də qalır. Lakin ukraynalı komandirlər hesab edirlər ki, Rusiya qoşunlarının bu məqsədə çatması son dərəcə çətin olacaq.

BUTA.TV xəbər verir ki, bu barədə “BBC Ukrayna” ukraynalı hərbçilərə istinadən yazıb.

Qeyd olunur ki, Rusların əsas problemi ondadır ki, piyada qüvvələri ilə düşməni kütləvi şəkildə sıxışdırmaq taktikası artıq nəticə vermir. Digər tərəfdən, təcavüzkarın bunun əvəzinə istifadə edə biləcəyi başqa effektiv taktika da yoxdur.

Ukrayna Üçüncü Ordu Korpusunun komandiri Andrey Biletskinin sözlərinə görə, Rusiya ordusunun hazırkı strateji məqsədi Donetsk və Luqansk vilayətlərini tamamilə ələ keçirməkdir. Onun sözlərinə görə, Donbas üzərində tam nəzarət olmadan müharibədən çıxmaq Rusiya üçün ciddi reputasiya riskləri yarada bilər.

Ukrayna və Qərb kəşfiyyat xidmətlərinin məlumatlarına görə, Rusiyanın hərbi rəhbərliyi bu iki Ukrayna regionunu aprelin ortalarına qədər tam işğal etməyi planlaşdırır. Rusiyanın siyasi rəhbərliyi isə bu vəzifənin hətta 2027-ci ilin əvvəlinə qədər başa çatdırılmasını mümkün hesab edir.

• Putin "sürpriz" hazırlayır: Bu ölkələrə hücum ola bilər - General
• Ukrayna daha müharibə xərclərini qarşılaya bilmir
• Rusiyanın hazırkı strateji məqsədi budur, lakin... - BBC
• İsmayıllıda maşın aşıb yandı - Sürücü yaralandı, həyat yoldaşı öldü - Video
• Ukrayna buna razı olsa, sülh sazişi hazırdır - Kuşner
• Husilər Səudiyyəyə hücum etdi: yaralılar var
• Bolqarıstanda hərbi zavoddakı partlayışın səbəbi nədir?
• Fidan və Arakçı Səudiyyəyə hücumdan danışdı