Beynəlxalq İdman Araşdırmalar Mərkəzi (CIES) dünyanın ən dəyərli futbolçularının siyahısını açıqlayıb.

BUTA.TV xəbər verir ki, araşdırma 75 liqadan ümumilikdə 30 000 oyunçu arasında aparılıb.

Yekun nəticəyə əsasən, İngiltərə millisinin və Almaniyanın "Borussiya" (Dortmund) komandasının hücumameylli yarımmüdafiəçisi Cud Bellingem ən bahalı futbolçu olub. Onun transfer qiyməti 208,2 milyon avro olaraq qiymətləndirilir.

İlk "üçlük"də həmçinin İngiltərənin "Mançester Siti" klubunun vingeri Fil Foden (200,5 milyon avro) və Fransa PSJ-sinin hücumçusu Kilian Mbappe (190,7 milyon avro) yer alıb.

Reytinqdə "ilk 10-luq" aşağıdakı kimidir:

1. Cud Bellingem (İngiltərə, "Borussiya" Dortmund) - 208,2 milyon avro

2. Fil Foden (İngiltərə, "Mançester Siti") - 200,5 milyon avro

3. Kilian Mbappe (Fransa, PSJ) - 191,7 milyon avro

4. Vinisius Junior - (Braziliya, "Real Madrid") - 190,5 milyon avro

5. Erlinq Holan - (Norveç, "Mançester Siti") - 174,9 milyon avro

6. Pedri (İspaniya, "Barselona") - 170,2 milyon avro

7. Qavi (İspaniya, "Barselona") - 147,6 milyon avro

8. Camal Musiala (Almaniya, "Bavariya") - 145,1 milyon avro

9. Yoşko Qvardiol (Xorvatiya, "Leyptsiq") - 125,8 milyon avro

10. Federiko Valverde (Uruqvay, "Real Madrid") - 123,5 milyon avro

Qeyd edək ki, PSJ-nin hücumçusu Lionel Messi və "Əl-Nəsr"in forvardı Kriştianu Ronaldu ilk "100-lük"dən kənarda qalıb.

• Ramiz Mehdiyevin atası da vətənə xəyanət edib?
• Qardaş ölkə İstanbulda sülh sazişi imzalayacaqmı?
• Türkiyə 125 ölkə ilə 350 müqavilə imzaladı - Azərbaycan da var
• Günay Ağamalıdan qurultaydakı qalmaqalla bağlı bəyanat
• Paşinyan Azərbaycanla sərhəddə
• Yevgeni Belousov Bakıdan Moskvaya uçdu
• Mehdiyevin Heydərovla bağlı şok əməli üzə çıxdı
• Bu, Zəfərin mühüm strateji mərhələsi idi