İqtisadiyyat Nazirliyi yanında Əmlak Məsələləri Dövlət Xidməti yer təkindən istifadə ilə bağlı fevralın 15-də keçirəcəyi hərraca 5 faydalı qazıntı yatağı çıxaracaq.
Bu barədə BUTA.TV-a Dövlət Xidmətindən bildirilib.
Məlumata görə, bunlar, Xızı rayonundakı "Şurabad" qum yatağı, Balakən rayonundakı “Göyəmtala” gil yatağı, Qazax rayonundakı “Aşağı Salahlı” gil yatağı, “Daş Salahlı-III” sement xammalı yatağı, Ağstafa rayonundakı “Acıdərə” vulkan külü yataqlarıdır.
Başlanğıc qiyməti 4 991 - 166 400 manat arasında dəyişən yataqlara sahib olmaq üçün iddiaçılar müvafiq sənədlər toplusunu 8 fevral 2023-cü il saat 16:00-a qədər Bakı şəhəri, Səbail rayonu, İstiqlaliyyat, 31 ünvanına təqdim etməlidirlər. Göstərilən vaxtdan gec təqdim olunmuş sənədlər açılmadan geri qaytarılacaq.
Hərracla bağlı məlumat almaq, xidmət haqqı və 10% beh ödəmək istəyənlər Əmlak Xidmətləri Məkanına da müraciət edə bilərlər (Bakı şəhəri, Nizami rayonu, Xəlil Rza Ulutürk küçəsi, 20). Hərrac elə burada keçiriləcək.
- Bakı merinin yeni müavini təyin olundu
- Oleq Bakinskinin yeni məhkəməsi: 12 vəsatət təqdim edildi
- Ali Məhkəmə Plenumunun iclası keçirildi
- Qondarma rejimin “müdafiə naziri”ni o təyin edirdi - Manukyan
- İqtisadi Şuranın iclası: Mövsümovun təqdimatı dinlənildi
- Manukyan etiraf etdi: Ermənistandan gətirilirdi...
- ABŞ rəsmisi Bakıda sülhdən danışdı: Tramp gözləyir
- Ştaynmayerlə bağlı ilginc fakt: Böyrəyini xanımına veribmiş