ABŞ Prezidenti Co Bayden bu 3 silahı Ukraynaya verməyəcək.

BUTA.TV xəbər verir ki, bu barədə “19FortyFive” nəşri yazıb.

Nəşrin məlumatına görə, Rusiya ilə eskalasiyaya getməmək üçün ABŞ Kiyevə F-16 qırıcıları, “Abrams” tankları və ATACMS raket komplekslərinin tədarükündən imtina edir.

F-16

Nəşr bildirib ki, hazırda 26 ölkənin silahlanmasında olmasına baxmayaraq, F-16-lar yaxın vaxtlarda Ukrayna səmasında görünməyəcək. Həm də təyyarənin regiona gətirilməsi Rusiyanı qıcıqlandıra, hətta NATO ilə münaqişəyə cəlb edə bilər. Bununla yanaşı, ukraynalı pilotlar onu idarə etmək üçün təlim keçməyiblər və Kiyev təyyarəyə normal xidmət göstərə bilməz.

“M1 Abrams” tankı

ABŞ ordusunun əsas döyüş tankı olan “Abrams” Ukrayna üçün əla silah olardı. Amma bu tankın tədarükü üstünlüyündən çox problem yaradır. Ukraynalılar uzun müddət onun təlimini keçməlidirlər, həm də onu daim işlək vəziyyətdə saxlamaq çətindir.

ATACMS

HİMARS sistemləri Ukraynanın hücum əməliyyatlarında mühüm rol oynadı. Prezident Vladimir Zelenski 300 km-lik hədəfləri vurmaq üçün ABŞ-dan uzaq mənzilli raketlər, o cümlədən ATACMS-lər istəyir. Bu sistemlər Rusiyanın dərinliklərini vura bilər. Buna görə də Vaşinqton bu sistemlərin tədarükündə tərəddüd edir.

• Bakı merinin yeni müavini təyin olundu
• Oleq Bakinskinin yeni məhkəməsi: 12 vəsatət təqdim edildi
• Ali Məhkəmə Plenumunun iclası keçirildi
• Qondarma rejimin “müdafiə naziri”ni o təyin edirdi - Manukyan
• İqtisadi Şuranın iclası: Mövsümovun təqdimatı dinlənildi
• Manukyan etiraf etdi: Ermənistandan gətirilirdi...
• ABŞ rəsmisi Bakıda sülhdən danışdı: Tramp gözləyir
• Ştaynmayerlə bağlı ilginc fakt: Böyrəyini xanımına veribmiş