Rusiya sülhməramlılarına məxsus təminat-təchizat avtomobilləri Laçın-Xankəndi yolunda dinc aksiya keçirilən ərazidən maneəsiz hərəkət edirlər.
BUTA.TV xəbər verir ki, Laçından Xankəndi istiqamətinə doğru hərəkət edən Rusiya sülhməramlılarına məxsus bir minik, dörd təminat-təchizat avtomobilinin və üzərində “press” yazılmış bir avtobusun aksiya ərazisindən maneəsiz keçidinə şərait yaradılıb. Eyni zamanda, Xankəndidən Laçına doğru bir təminat-təchizat avtomobili hərəkət edib.
Bu, bir daha onu göstərir ki, aksiya iştirakçıları humanitar məqsədlərlə istifadə olunan avtomobillərin hərəkətinə heç bir maneə törətmirlər.
Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda təşkil olunan etiraz aksiyası 26 gündür davam edir.
Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı ekofəallar və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.
Qeyd edək ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.
- Bu avtobus marşrutu üzrə müsabiqənin qalibləri bəlli oldu
- Əliyev “Sberbank”ın İdarə Heyətinin sədri ilə görüşdü
- Bakı metrosu gücləndirilmiş rejimə keçir
- COP29-la bağlı nəqliyyatın hərəkəti dəyişdirilir
- Bu istiqamətdə də sürətli qatar istifadəyə veriləcək
- Azərbaycana 20 gəmi, qatarlar, təyyarələr gətirilir
- Azərbaycanda kreditlərlə bağlı - Yenilik
- Elnurla Köçərinin ölümündə müəmma - Yeni video yayıldı