Türkiyədə baş verən zəlzələdə dağıntılar altında qalan azərbaycanlıların axtarışı davam edir. Hazırda 25 nəfər axtarışdadır. Bu o demək deyil ki, onların başlarına nəsə iş gəlib. Bəlkə də telefonlarını itiriblər, yaxud da telefonlarının enerjisi bitib.

BUTA.TV Report-a istinadən xəbər verir ki, bu fikirləri Azərbaycanın Türkiyədəki səfiri Rəşad Məmmədov jurnalistlərə açıqlamasında deyib.

“Nəzərə almaq lazımdır ki, zəlzələ səbəbindən 4 hava limanı fəaliyyət göstərə bilmir. Hətta Bakıdan gələn humanitar yardımı belə qəbul edə bilmirik. Ona görə də quru yolla təxliyəni həyata keçirə bilirik. Onlar azərbaycanlıların təxliyə edildiyi avtobuslarda yemək və isti içkilərlə təmin olunurlar”, - diplomat bildirib.

Xatırladaq ki, fevralın 6-da Türkiyədə 7,7 maqnitudalı zəlzələ olub. Son məlumatlara görə, nəticədə 8574 nəfər ölüb, 49 133 nəfər yaralanıb.

• Putin NATO ərazisinə hücum etməyəcək - Tramp
• Bu, ABŞ-İran toqquşmasına səbəb ola bilər - Rezai
• Altı AB ölkəsi yeni maliyyə çərçivəsi üzrə anlaşdı
• Azərbaycanlı kriminal avtoritet müəmmalı şəkildə öldü
• Bu gecə dualarımız qəbul olmadı… - Fotolar
• Dağıdıcı qasırğa sürətlə qərbə doğru hərəkət edir
• İran rəsmiləri ilə görüşmək istəmirik - Tramp
• Polşa nüvə silahlarını istəmir - Zalevksi