Azərbaycan tibb müəssisələrində Türkiyədəki zəlzələdə zərərçəkənlər üçün 2 min çarpayı ayrılıb.
BUTA.TV xəbər verir ki, bu barədə Azərbaycanın səhiyyə naziri Teymur Musayev ilə türkiyəli həmkarı Fəxrəddin Qoca ilə telefon danışığı zamanı bildirib.
Telefon danışığı zamanı Teymur Musayev Azərbaycan Prezidenti İlham Əliyevin tapşırıq və göstərişlərinə uyğun olaraq, Bakı və digər şəhərlərdə, eləcə də Naxçıvan Muxtar Respublikasında yerləşən tibb müəssisələrinin zəlzələdə zərər çəkmiş şəxslərin müalicəsi üçün hazır vəziyyətə gətirildiyini Türkiyəli həmkarının diqqətinə çatdırıb.
“Ehtiyac olduğu təqdirdə, azərbaycanlı tibb mütəxəssisləri yaralanmış şəxslərin müalicəsinə tibbi dəstək göstərməyə tam hazırdır”, - nazir vurğulayıb.
T.Musayev yaralıların tezliklə sağalmasını arzulayıb və həlak olmuş şəxslərin ailələrinə Allahdan səbr diləyib.
- Gecə aeroporta gedənlər bu yollardan istifadə etsin
- Müavinət və təqaüd alanların nəzərinə!
- İrana hücum: bəzi təyyarələr Bakıya təcili eniş etdi
- Ölkəmizdə övladlarına X, D adı qoymaq üçün nələr etdilər - Video
- Moskvada Bakı Şəhər Günləri keçiriləcək
- Azərbaycandakı tanınmış şirkət cərimələnə bilər
- DİN-dən bank kartları ilə bağlı xəbərdarlıq!
- İrəvan Bakıdan onun meyitini istəməyə hazırlaşır