Göyçay rayonunda zəncirvari yol-nəqliyyat hadisəsi olub.

BUTA.TV Report-a istinadən xəbər verir ki, hadisə bu gün saat 23:00 radələrində Göyçay-Qarabaqqal-Bığır yolunun Hacalıkənd kəndi ərazisindən keçən hissəsində qeydə alınıb.

İki VAZ 21015, VAZ 2106 və "Mersedes" markalı minik avtomobillərinin toqquşması nəticəsində yolda nəqliyyatın hərəkəti yarım saat ərzində dayanıb, böyük məsafədə tıxac yaranıb.

DYP əməkdaşları nəqliyyatın hərəkətini bərpa edib. Hadisə nəticəsində VAZ 21015 markalı avtomobillərdən birinin sürücüsü 1984-cü il təvəllüdlü Kamil Əziz oğlu Alməmmədov və sərnişini 1968-ci il təvəllüdlü Ərzi İsrafil qızı Xəlilova xəsarət alıb. Yaralılar Göyçay rayon Mərkəzi Xəstəxanasına aparılıb.

Faktla bağlı Göyçay rayon Polis Şöbəsi tərəfindən araşdırma aparılır.

• Sentyabrda sülh danışıqları olacaq? - Kremldən açıqlama
• Tunis sahilində miqrant qayığı batdı: 14 nəfər öldü
• Pezeşkian: İran və Qətər əməkdaşlığı bərpa edə bilər
• “Barselona” “Sabah”a rəqib oldu - Bakıya gələcək-Video-Yenilənib
• İƏT-in yeni baş katibi seçildi
• Azərbaycanlıların olduğu gəmi dronla vuruldu
• Kiyevdə partlayış baş verdi
• “Qarabağ”ın matçı 15 dəqiqə gec başladı - Yenilənib