Azərbaycan Ordusunun hərbi tibb personalı Qəhrəmanmaraşda baş vermiş zəlzələ nəticəsində xəsarət alanlara tibbi yardım göstərməyə davam edir.
Bu barədə BUTA.TV-a Müdafiə Nazirliyindən məlumat verilib.
Bildirilib ki, hərbi həkimlərimiz Türkiyə Səhiyyə Nazirliyinin və Türkiyə Silahlı Qüvvələrinin nümayəndələri ilə qarşılıqlı əlaqədə fəaliyyət göstərir.
Növbəti 36 cərrahi əməliyyatı uğurla icra edən tibb personalı, eyni zamanda xəsarət alan 223 nəfərə də ambulator yardım göstərib.
Bu günədək ümumilikdə Azərbaycan Ordusunun təcrübəli tibb personalı tərəfindən 61 cərrahi əməliyyat icra olunub, 419 nəfər isə müayinə edilib və onlara ambulator yardım göstərilib.
Qardaş ölkədə fəaliyyəti yüksək qiymətləndirilən təcrübəli hərbi tibb personalımıza xatirə hədiyyəsi təqdim edilib.
Qeyd edək ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən Azərbaycan Ordusunun 20 nəfərlik hərbi tibb personalı Türkiyəyə ezam olunaraq qardaş ölkədə zəlzələdən xəsarət alanlara tibbi yardım göstərir.
- Bu ölkə 4 günlük iş həftəsinə keçdi – Nəticə şok etdi
- Ötən gün Bakının 500-ə yaxın küçəsi yuyuldu
- Avtobus sürücüsü qapını açmadı, əlil sərnişini vurdu
- Bakıda biznesmen HƏBS EDİLDİ
- Kərə yağının qiymətində kəskin artım – Nə baş verir?
- Ağdamda ev yanaraq kül oldu
- Fransada polisə qılıncla hücum edildi - VİDEO
- Azərbaycanlılardan bu cür istifadə əxlaqsızlıqdır - Zurabişvili