Xüsusi təyinatlı təhsil müəssisələrinə qəbul qaydaları haqqında təbliğat və izahedici məlumatların çatdırılması məqsədilə Müdafiə Nazirliyində yaradılan təşviqat qrupunun respublikanın ümumtəhsil orta məktəblərinin hərbi hazırlıq müəllimləri ilə görüşü keçirilib.
Bu barədə BUTA.TV-a nazirlikdən məlumat verilib.
Azərbaycan Ordusunun Təlim və Tədris Mərkəzində keçirilən görüşdə gənclərdə zabit peşəsinə marağın aşılanması, o cümlədən hərbi vətənpərvərlik işinin orta təhsil müəssisələrində daha səmərəli təşkilinə dair ətraflı fikir mübadiləsi aparılıb, hərbi rəhbərlərin təklifləri qeydə alınıb.
Müdafiə Nazirliyinin zabitləri Heydər Əliyev adına Hərbi İnstitut, Azərbaycan Tibb Universitetinin Hərbi Tibb Fakültəsi, eləcə də hərbi liseylərə qəbul qaydaları haqqında ətraflı məlumat verərək hərbi təhsil müəssisələrinin təminatından, sosial-məişət şəraitindən danışıb, eləcə də qəbulla bağlı sualları cavablandırıblar.
Görüşdə, həmçinin hərbi məktəblər haqqında videoçarxlar və hərbi vətənpərvərliyə dair filmlər nümayiş etdirilib.
- Ermənistan qurumdan çıxarılacaq? - KTMT elan etdi
- Türkiyəli sahibkar Bakıda aldadıldığını deyir - “715 min dollarımı vermirlər”
- Nepalda güclü daşqın: ölənlərin sayı artdı
- İran ABŞ-ın iqtisadi blokadasına qarşı belə mübarizə aparır
- Nigar Fərhad saxlanıldı
- Robert Köçəryan həbs edildi
- Putin Ukraynaya bir anda nüvə zərbəsi endirə bilər - Blumberq
- Almaniya 80 il sonra yenidən qayıdır: Qlobal mərkəzə çevrilir!