Azərbaycan Prezidenti İlham Əliyevin tapşırığına əsasən Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə qardaş ölkədə olan Fövqəladə Hallar Nazirliyinin çevik xilasetmə qüvvələrinin bir hissəsi bu gün təyyarə ilə Adana hava limanından Bakı şəhərinə yola düşüb.
Bu barədə BUTA.TV-a nazirlikdən məlumat verilib.
Qüvvələri hava limanından Adana valisi Süleyman Elban, Türkiyə Respublikası Fövqəladə Halların İdarə olunması Agentliyinin (AFAD) Mersin vilayəti Fövqəladə Halların İdarə olunması Bölməsinin rəhbəri Cenk Yıldız, fövqəladə və səlahiyyətli səfirlər Murad Salim Esenli və Ayşə Saraç və Türkiyə Respublikası Xarici İşlər Nazirliyinin idarə rəhbəri Xadicə Tuğba Əkizlər yola salıblar.
Türkiyəli rəsmilər Fövqəladə Hallar Nazirliyinin xilasedicilərinin qardaş ölkədəki dağıdıcı zəlzələ ilə əlaqədar axtarış-xilasetmə əməliyyatlarını yüksək peşəkarlıq və fədakarlıqla yerinə yetirdiklərini qeyd edərək, onların hər birinin bir qəhrəman olduğunu bildiriblər.
Rəsmilər göstərilən dəstəyə görə Azərbaycan dövləti və xalqına təşəkkür ediblər.
- Azərbaycanda elektron tiarətlə bağlı yeni qayda müəyyən edilir
- Rəqəmsallaşma ölkənin inkişaf modelinin əsas dayağıdır
- İH aydınlıq gətirdi: "Göyərçin" abidəsinin yanında ağacların kəsilməsi...
- Cərimənin məcburi qaydada tutulması qaydası dəyişir
- Milli Məclis bələdiyyələrin illik hesabatını qəbul etdi
- Bakıda temperatur 20 dərəcəyə yüksələcək
- Minimum maaşla bağlı təklif 3-cü oxunuşdan keçdi
- Rusiya-Ukrayna müharibəsində daha bir azərbaycanlı öldü