Bilirəm, rus həmkarlarımız bunu böyütməyə çalışırlar, ancaq bizim üçün deyilməli olan məsələ budur ki, bu, sadəcə qısa bir qarşılaşma idi. Uzun davam edən ikitərəfli bir görüş, yaxud toplantı deyildi. Ancaq daha ümumi şəkildə mənfəətlərimizə uyğun olanı açıq şəkildə bildirdiyimiz üçün üzr istəyəcək deyilik.
BUTA.TV xəbər verir ki, bu sözləri Hindistanda keçirilən G20 sammiti çərçivəsində Entoni Blinken və Sergey Lavrov arasındakı ayaqüstü görüş haqqında açıqlama verən ABŞ Dövlət Departamentinin sözçüsü Ned Prays deyib.
Prays Blinkenin Lavrova üç mesaj verdiyini bildirib. Bunlardan birincisi Rusiyanın Strateji Silahların Azaldılması Müqaviləsində (START) iştirakını dondurması ilə bağlı ABŞ və dünyanın keçirdiyi narahatlıq, ikincisi, ABŞ-a casusluq ittihamı ilə Rusiyada həbs olunan Pol Nikolas Uilanı azad etməsi, üçüncüsü isə Vaşinqtonun Ukraynanı sonadək dəstəkləməkdə qətiyyətli olmasıdır.
Sözçü, eyni zamanda, Blinkenin öz həmkarına Ukraynanın hər kəsdən daha çox müharibənin bitməsini arzuladığını və ABŞ-ın da bunu görmək istədiyini dediyini qeyd edib.
- Bakıdakı parada Ermənistan və Avropadan qəribə reaksiya...
- F-16-ların göyərtəsindən Bakı belə görünür - Video
- Müharibədən sonra ən böyük qələbə: Yeganə ölkəyik ki...
- Sülhə heç kəs 100 faizlik zəmanət verməsə də... - Bayramov
- Prezidentdən hərbi paradla bağlı paylaşım - Video
- Rusiyaya nota verdik, dedik ki, mandat tam ləğv olunur
- Azərbaycanda Dövlət Bayrağı Günüdür
- İntensiv danışıqlar oldu, Rusiyanı qane etmədi - Bayramov