Suqovuşanda 144 şagird yerlik kənd məktəbinin tikinti işləri tamamilə bitib.
BUTA.TV xəbər verir ki, məlumatı Elm və Təhsil Nazirliyi yayıb.
Qeyd edilib ki, məktəbin həyətyanı sahəsində abadlaşdırma işləri də tamamlanıb.
Xatırladaq ki,Prezident İlham Əliyevin 16 noyabrda imzaladığı sərəncamla “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın Tədbirlər Planı təsdiqləndi.
Dövlət Proqramı çərçivəsində işğaldan azad edilmiş ərazilərdə insan kapitalının inkişafı sahəsində sosial xidmətlər şəbəkəsinin (səhiyyə, sosial müdafiə, mədəniyyət və idman, məktəblər və məktəbəqədər uşaq-tərbiyə müəssisələrinin qurulması və digər ictimai xidmətlərin təşkili) yaradılması və maddi-texniki bazasının gücləndirilməsi, bölgədə məskunlaşacaq əhalinin keyfiyyətli səhiyyə və təhsil xidmətləri ilə təmin edilməsi, mədəniyyət və idman obyektlərinin bərpası və yenidən qurulması, məşğulluq imkanlarının artırılması məqsədilə fəal özünüməşğulluq proqramlarının həyata keçirilməsi və reabilitasiya müəssisələrinin qurulması planlaşdırılır.
Tədbirlər planına əsasən, Elm və Təhsil Nazirliyinə 2022-2026-cı illərdə ərazi planlaşdırma sənədlərinə uyğun olaraq, yaşayış məntəqələrində təhsil müəssisələrinin tikintisi və bərpası ilə bağlı təkliflərin hazırlanması tapşırılıb.
Sənəddə qeyd edilib ki, Şuşa rayonunda 7, Ağdam rayonunda 29, Füzuli rayonunda 23, Zəngilan rayonunda 21, Kəlbəcər rayonunda 30, Laçın rayonunda 21, Qubadlı rayonunda 16, Cəbrayıl rayonunda 25, Xocavənd rayonunda 20, Tərtər rayonunda (Suqovuşan və Talış kəndləri daxil olmaqla) 5 məktəbəqədər və ümumi təhsil müəssisəsinin tikintisi və bərpası nəzərdə tutulur.
- Zərifə Abbasova ölkədən qaçıb - İnterpol onu axtarır
- Bakıya yağan leysanın səbəbi...
- Modi Kazanda Putinə bunu hədiyyə etdi
- Sumqayıtda usta faciəvi şəkildə öldü
- Şiddətli yağış: bu çaylarda suyun səviyyəsi artdı
- Şuşaya istilik bu tarixdə veriləcək
- Bakıda bu ərazilərdə şarj aparatları quraşdırıldı
- Sabah yağış yağacaq