“Gamepons” şirkətinin həmtəsisçisi, 27 yaşlı azərbaycanlı Fidan Rüstəmli “Forbes Under 30 Europe 2023” siyahısında yer alıb.
Kult.az xəbər verir ki, bu barədə onun özü sosial şəbəkə hesabında yazıb:
“Dünyanın ən təsirli gənc sahibkarlar və oyun dəyişdiriciləri cəmiyyətinin bir hissəsi kimi seçildiyimi bölüşməkdən məmnunam! Belə təsirli istedadlı şəxslərlə yanaşı tanınmaq inanılmaz şərəfdir.
Bu nailiyyət mənim mentorlarımın, həmkarlarımın və dostlarımın dəstəyi və rəhbərliyi olmadan mümkün olmazdı. Uğurlarıma verdikləri töhfələrə, həmçinin mənim perpektivimə və qabiliyyətlərimə sarsılmaz inamlarına görə dərin minnətdarlığımı bildirirəm.
Bu nüfuzlu siyahının üzvü kimi mən innovasiya və sahibkarlıq vasitəsilə icmaların səlahiyyətləndirilməsi və dəyişdirilməsi sahəsində işimi davam etdirməyə sadiqəm. İnanıram ki, biz birlikdə müsbət dəyişiklik yarada və dünyaya qalıcı təsir göstərə bilərik.
Bu inanılmaz qiymətə görə sizə təşəkkür edirəm, “Forbes”. Builki siyahıda olan bütün digər istedadlı şəxsləri təbrik edirəm!” – deyə F. Rüstəmli bildirib.
“Forbes”ın saytında Fidan Rüstəmlinin Azərbaycanın paytaxtı Bakıda yaşadığı qeyd olunub. Bildirilib ki, o, həm burada tanınmış şirkətlərdən birində biznesin inkişafı üzrə menecer kimi çalışır, həm də “Gamepons” şirkətinin həmtəsisçisidir.
Fidan Rüstəmli, həmçinin “Global Game Jam”in regional təşkilatçısı və "Avrasiya Startap Mükafatlarında Ölkə Tərəfdaşı"dır.
- Bu yolda sürət həddi endirildi
- AzTV-nin yaranmasından 70 il ötür
- Aeroport yolunda söküntü işləri başladı
- Almaniyada azərbaycanlılara belə münasibət göstərirlər...
- İlham Əliyev yerli kanallara müsahibə verdi - VİDEO
- Timur Mehdiyevlə bağlı şok məlumat: FHN-ə yox, bu nazirliyə müavin gedəcəkdi, amma...
- Aşıq Namiq: Erməni mahnısı oxumusan, toyda bığını qırxıblar
- Elçin Quliyev müdafiə naziri təyin olunacaq? - DİQQƏTÇƏKƏN RUSİYA DETALI