Rusiya hakimiyyəti 2030-cu ilə qədər Moldovanı öz peykinə çevirməyi planlaşdırır.

BUTA.TV xəbər verir ki, bu barədə Prezident Administrasiyasının 2021-ci ildə tərtib etdiyi “Moldova Respublikasında Rusiya Federasiyasının strateji məqsədləri” adlı sənədində qeyd olunub.

Sənəd “Süddeutsche Zeitung”, NDR, “Yahoo Nyus”, “Delfi Eesti”, “Dosye”, “Expressen”, “İndependent”, “Frontstory”, Belaçrus Araşdırma Mərkəzi və “Vsquare”ın jurnalistləri tərəfindən yayılıb.

Bildirilib ki, sənəd Rusiya Baş Qərargahı, Federal Təhlükəsizlik Xidməti, Xarici Kəşfiyyat Xidməti və Baş Kəşfiyyat İdarəsinin iştirakı ilə hazırlanıb.

Qeyd olunub ki, Rusiyanın Moldovada strategiyası xarici amillərin - ilk növbədə ABŞ, AB ölkələri, Türkiyə və Ukraynanın "Moldova Respublikasının daxili işlərinə qarışmaq, NATO-nun təsirini gücləndirmək və Kremlin mövqeyini zəiflətmək cəhdlərinə qarşı durmağa yönəlib.

Yaxın bir neçə il ərzində Moskvanın Kişinyovu Avrasiya İqtisadi İttifaqına və Kollektiv Təhlükəsizlik Müqaviləsi Təşkilatına üzv olmağa məcbur edəcəyi planlaşdırıldığı da sənəddə öz əksini tapıb.

• Deputatın öldüyü oteldə illər sonra daha bir ölüm...
• 19 mindən artıq hərbi vəzifəli toplanışlara cəlb edilib - Nazir
• Azad olunan ərazilərdə nə qədər yol bərpa edilib?
• Səfərdə bir kitabla başlayan gözəl anlar
• Sabiq məmur daha bir şadlıq sarayını aldı
• Bu işçilər ixtisara düşəndə 2800 manat müavinət alacaqlar
• “Separatçıları əfv edə bilərsinizmi” sualına Prezidentin cavabı
• Qusarda qadın kirayə yaşadığı evdə dəm qazından boğuldu