Qarabağ müharibəsində iştirak edən şəxslərə “Laçın” sərhəd-buraxılış məntəqəsindən keçməyə icazə verilmir.

BUTA.TV xəbər verir ki, bu iddianı Ermənistanın “Hraparak” nəşri tirajlayıb.

İddiada qeyd edilir ki, bu, həm Ermənistandan Xankəndiyə, həm də Xankəndidən Ermənistana getmək istəyənlərə aiddir. Qarabağdan getmək istəyənlərin buraxılmamasına səbəb isə budur ki, Azərbaycan hərbçiləri müvafiq qanunvericilik dəyişiklikləri hazırlanmayana, məhkəmə prosesləri və ya cinayət işləri başa çatana qədər həmin şəxslərin Qarabağı tərk etmək hüququna malik olmadığını bəyan edib. Onlar ya mühakimə ediləcək, ya da ümumilikdə amnistiya alacaqlar – yalnız bundan sonra onların sərbəst hərəkətinə imkan veriləcək.

Xankəndidə olan və müharibədə iştirak edən bir nəfər adının açıqlanmaması şərtilə bildirib ki, Azərbaycanda 500 nəfərin adı olan siyahısı var:

“O siyahıya Vitali Balasanyan, bir çox erməni general və komandirlərinin də adı daxil edilib”.

Qeyd edək ki, rəsmi Bakı qanunsuz silahlı birləşmələrin təslim olacağı və inteqrasiya prosesinin başlayacağı təqdirdə amnistiya müzakirəsinin mümkünlüyünü bildirib. Azərbaycan Prezidenti İlham Əliyevin bu açıqlamasını ABŞ Dövlət Departamenti alqışlayıb.

• Bakının 4 rayonunda fasilələrlə işıq kəsiləcək
• Arvadını qətlə yetirən Coşqun 1 ay öncə həbsdən çıxıbmış - Video
• Sabah Bakının bu ərazisində işıq olmayacaq
• Samuxda ağır qəza - 3 nəfər öldü - Yenilənib
• Valideynlərin diqqətinə: Məktəb seçimi bu tarixdən başlayır
• “Zirə” ilk oyunu darmadağınla qazandı - Yenilənib+Video
• Sərnişinləri ödənişsiz avtobuslar daşıyacaq - Sel dəmiryolunu bu hala qoydu
• Qax–Balakəndə sel: qatarların hərəkəti məhdudlaşdırıldı