Hakimiyyətdən devrildikdən sonra Rusiyaya qaçan Ukraynanın keçmiş Prezidenti Viktor Yanukoviçin Moskva ətrafında əvvəllər yaşadığı “Şervud” kottec qəsəbəsindəki evinə silahlı şəxs daxil olub.
BUTA.TV Report-a istinadən xəbər verir ki, silahlı şəxs evlərdən birini ələ keçirərək mühafizəçiləri və bir polis əməkdaşını girov götürüb. O, qışqıraraq Ukraynadakı müharibədən bir müddət əvvəl qayıtdığını və “Allahın əmrlərinə” əməl etdiyini deyib. Adı açıqlanmayan həmin şəxs bildirib ki, tutduğu ev “Allaha məxsusdur” və heç kim yaşamadığı üçün daxil olub.
Hadisə yerinə, Rusiyanın xüsusi təyinatlı polis dəstəsi cəlb olunub. Onu neytrallaşdırmaq üçün əməliyyat keçirilir.
Qeyd edək ki, Viktor Yanikoviç 2010-cu il fevralın 25-dən 2014-cü il fevralın 22-dək Ukraynanın Prezidenti olub. 2014-cü il fevralın 22-də etiraz aksiyaları nəticəsində ölkədən qaçıb və parlament tərəfindən prezidentlik hüququndan məhrum edilib.
- Etnik repressiya Rusiyanı daxildən məhv edəcək
- “Rusiya tərəfi qardaşlarımın qətlini ört-basdır etməyə çalışır“ - Seyfəddin Hüseynli
- Bakıda qərar gözlənilir – Kremlin həssas nöqtəsi “vurulur”?
- Rusiyadakı qadın təşkilatlarına və cəmiyyətlərə müraciət
- Türk mediası Rusiyadakı zorakılığı göstərdi - Video
- Ərdoğandan Azərbaycana növbəti təşəkkür
- Bakıya gələn “Ruptly”nin redaktoru saxlanıldı – Təcili
- Bakıda Rusiyanın Mədəniyyət Mərkəzi bağlanıb?