Xaricdə yaşayan jurnalist İsmayıl Cəlilovun xalq artisti Rasim Balayevlə onlayn müsahibəsində özünü bir daha tanıtmaq arzu və istəyi sosial şəbəkələrin əsas müzakirə mövzusudur: Cəlilov “gey olduğunu” vurğulayıb, Rasim Balayevə “ikinci zərbəni” endirir və müsəlmanlığında israr edir.

Rasim Balayevin cavabı normal və qaydasındadır: “gey”in müsəlman olmasının mümkünsüzlüyünü sadə, İsmayılın və digərlərinin anlayacağı şəkildə deyir və izah edir, bununla da məsələ bitir.

Bitməyən isə başqa məsələdir.

İsmayıl Cəlilov “məşhur”, “tanınmış”, “savadlı” şəxs kimi cəmiyyətə təqdim edilir və yaxud o özü özünü bu cür tanıdır, cəmiyyət də qəbul edir və yaxud qəbul etmək məcburiyyətində qalır. Ancaq bu ağıllı, savadlı və hər fürsətdə “gey” olduğunu deməklə, əslində, “gey”liyin çox təhlükəli şəkildə təbliğatını aparan, onu bir virus kimi yaymağa xidmət edən İsmayıl Cəlilovun necə təhlükəli olduğunu açıb-deyən yoxdur – təəssüf ki!

Əvvəla, İsmayıl Cəlilov cidd-cəhdlə, illərdir cəmiyyətə sübut etməyə çalışır ki, “gey”lik seçim deyil, Azərbaycan cəmiyyəti isə o qədər “düşüncəsiz”, “savadsız”dır ki, bunu anlamır.

“Gey”lərin total halda sui-istifadə etdikləri vasitədir. Bəli, doğrudan da bəzi halda seçim olmur, xəstəlik sayılır, ancaq bu, “geyliyin” səbəblərindən yalnız biridir. Halbuki səbəblər sırasında psixoloji faktor, mənəvi deqredasiya, narkotik təsiri, ailə tərbiyəsi, düşdüyü mühit, hətta “siyasi” məsələlər də var.

Təəccüblənməyin, elə ona görə “siyasi” sözünü dırnaqda yazdıq. Yəni “daha firavan” həyat üçün xaricə üz tutanlardan bəziləri oturum izni almaq, o ölkənin vətəndaşlığı üçün “gey” olmadığı halda bu addan istifadə edir – nəticəsi isə dəhşətli olur: o şəxsi “gey kluba” aparıb, “geyliyini” sübut etməyə məcbur edirlər və kişiliyi əldə gedir.

İkincisi, əgər doğrudan da seçim deyilsə və xəstəlikdirsə, sual olunur: bu xəstəliyi müalicə etmək üçün nə etdin? Hansı müayinələrdən, müalicələrdən keçdin?

Üçüncüsü, əgər bu xəstəliyin müalicəsi yoxdursa, bu acını niyə öz içində daşımadın? Niyə bu xəstəliyini əlində bayraq etməkdən fəxr edirsən?

Psixologiyada belə bir məfhum var: insanın içində mərdliklə namərdlik, kişiliklə nakişilik, cəsarətlə qorxaqlıq və s. yanaşıdır – yəni Xeyirlə Şər içimizdədir. Bu kontekstdə kişiliklə “gey”liyin də hər bir insanın içində olmasını qəbul etmək lazım gəlir.

Məsələ kişiliyi üstdə tutmaq fitrətidir, tərbiyəsidir, düşüncəsidir – Xeyir kimi!

Məsələ pislik kimi, nakişilik, vəhşilik, haram, biqeyrətlik kimi Şəri içində basdırmaq bacarığıdır.

Türk milli düşüncəsi – elə müsəlman kimliyi də bu Şəri içində basdırmaq üçün bütün yolları göstərib – hətta qidaya qədər, yeməyinə qədər.

Ağlı başdan çıxaran bütün vasitələr islamda ona görə qadağandır!

İslamda donuz əti, pulsuz balıq, hətta dovşan ətinə qədər – ona görə haramdır! Gedin, yeni araşdırmaları oxuyun, görün, donuz, dovşan və pulsuz balıqların insan psixologiyasına biqeyrətlik baxımından necə təsirləri var!

Hətta onunla da tam razıyam ki, qoyun ətini çox sevdiyimizdən, bəzi düşüncə problemləri də yaşayırıq – bu da elmi tədqiqatdır! ..

Azərbaycan cəmiyyəti “gey”liyi anlamayacaq qədər savadsız, düşüncəsiz deyil. Məsələ ondadır ki, “geylik” anlayışını türk təfəkkürü qəbul etmir. Adi bir misal - heç, Qərbə, Avropa ölkələrinə “səfər” etmirik, öz coğrafiyamızdan, tarixi mühitimizdən danışırıq: ərəb dilində “geyliyi” ifadə edən 5-6 söz var, fars dilində isə tam-tamına 52! Farslar “geyliyin” bütün növlərinə aid “adlar sistemi” yaradıblar.

Azərbaycan türkcəsində “gey” adının qarşılığı varmı?

Bir anlayışın dildə qarşılığı olması üçün o məfhum haqda təsəvvür olmalıdır. Daha aydın izah: məsələn, islamdan öncə türklərdə təkallahlılıq, cənnət-cəhənnəm anlayışları olub, ona görə “Allah” sözünün türkcə qarşılığı var – Tanrı, ”cənnət” sözünün qarşılığı var – uçmaq, “cəhənnəm” sözünün də qarşılığı var – “damu”. Hətta peyğəmbər sözünün də qarşılığı var – yalavac və s.

Ancaq “gey” sözünün Azərbaycan dilində qarşılığı yoxdur, olmayıb, olmayacaq da!

Ərəb işğalından sonra “ubnə” (“gey”) sözü ərəbcədən dilimizə daxil olub. Ancaq baxın, bu söz də qısa müddətdə “ibnə” sözünə çevrilib və mahiyyətini tamam dəyişib: “ubnə” indi bizdə ibnədir - tərs, inadından dönməyən adam mənasında işlənir.

Yəni Azərbaycan düşüncəsi, türk kimliyi, türk şüuru “gey” anlayışını heç bir halda qəbul etmir, yaxın buraxmır, 1500 ildir heç bir halda bu məfhumu türk cəmiyyətinə soxa bilmirlər.

“10 milyonluq cəmiyyətdə mənim kimi yüzminlərlə insan var” – təxminən belə deyir İ.Cəlilov.

Yoxdur, Cəlilov, özünü və cəmiyyəti aldatma, bu ölkədə bir milyon da “səninkimisi” ola bilər, ancaq onlar MAHİYYƏT etibarilə mövcud deyillər! Çünki adları mövcud deyil!

Bu “ağıllı”, “intellektli”, “savadlı” jurnalistin, Azərbaycan cəmiyyətini “savadsız” deyə aşağılayan şəxsin düşüncəsinin də qeyri-normal olduğu bu müsahibəsində üzə çıxdı: “geyəm, ancaq əsl müsəlmanam”.

Bu insan əsl müsəlmanın necə olduğunu dərk etmədiyi kimi, dəyərləri, mərdliyi, kişiliyi, qüruru da anlamır və o, tək deyil: biriləri xaricdə daha yaxşı yaşamaq, qrantlarla bəslənmək, oturduğu ölkədən qovulmamaq və ya erməni maliyyəçilərdən pul almaq üçün Azərbaycanı, Azərbaycan hakimiyyətini, Prezident İlham Əliyevi ən ağır sözlərlə təhqir etməyi özünə həyat yolu seçib.

Öz anasının, bacısının, arvadının qədrini bilən, namusunu çəkən, qeyrəti olan heç bir KİŞİ başqasının ailəsini pis sözlərlə təhqir etməz. Ən azı ona görə ki, ictimai şəkildə təhqir edirsənsə, bunun ictimai cavabını da almağa hazır olmalısan. Əgər bu cavabı almağı hesablamamısansa, həddən artıq çox qoyun əti yemisənsə, qoç ətinə ömrü uzunu yaxın durmamısansa, onda ən azı cavabı alanda dayanmalısan, ayılmalısan: yox, o cavabı alanda da dayanmırsansa, onda KİŞİ ola bilməzsən...

Xaricdəki “söyüş müxalifəti” adı ilə ümumiləşdirilən, efirdən əxlaqsızcasına ən pis söyüşləri hər kəsin evinin içinə göndərən şəxs də, “gey” olması ilə fəxr edən də mahiyyət etibarilə eynidir.

Diqqət edirsinizmi, İlham Əliyevi “sərt tənqid” etdiyini bildirənlərin heç biri bu xalqın deyimində mövcud olan KİŞİ deyil!

Zatən, Azərbaycanın ərazi bütövlüyü uğrunda vuruşan, Şuşaya bayraq sancan, separatizmin kökünü qazımaqla və sərhədlərimizi çəkməklə məşğul olan bir KİŞİ-ni təhqir etməyin, Qələbəmizi kiçiltməyə çalışıb, ermənilərlə birgə İlham Əliyevin şəklini yerə sərməyin KİŞİ-liyə heç bir aidiyyəti yoxdur.

• Ərdoğan dünyaya çağırış etdi: Vaxt çatdı!
• Şuşada ağır qəza: 9 nəfər yaralandı
• İlqar Məmmədov uduzdu və siyasətdən getdi
• Tiktok "Sputnik"in hesablarını sildi
• "Turan Tovuz" ilk dəfə məğlub oldu
• İsrailin şimalına kütləvi artilleriya zərbəsi endirildi
• Bu olmasa, Ukraynanın sonu gələcək - Berbok
• Bu qadınlar millət vəkili oldu - Siyahı