Yəmənin “Ənsar Allah” hərəkatının yaraqlıları Ədən körfəzində Yunanıstana məxsus “Zografia” yük gəmisini raketlə vurublar.

BUTA.TV Oxu.az-a istinadən xəbər verir ki, bu barədə yerli mediada xəbər verilib və hadisənin baş verdiyi anın görüntüləri yayılıb.

Bildirilir ki, hücum yanvarın 16-da həyata keçirilsə də, kadrlar bu gün paylaşılıb.

Yük gəmisi Malta bayrağı altında hərəkət edib. Hücum nəticəsində heyət arasında xəsarət alan olmayıb, gəmiyə dəyən zərər barədə məlumat verilmir.

Qeyd edək ki, İrana bağlı olan husilər xüsusən HƏMAS-ın İsrailə hücuma başlamasından sonra mütəmadi olaraq Qırmızı dənizdə ticarət gəmilərinə hücum edirlər. Bunun qarşısını almaq üçün gəmi sahibləri qeyri-adi üsula əl atmaq məcburiyyətində qalıblar. Belə ki, kapitanlar gəmilərin hərəkətini izləmək üçün elektron platformalarda İsraillə əlaqəli olmadıqlarını qeyd edirlər.

• İlham Əliyev Slovakiyaya getdi
• Regionda ticarət yolları açılır, sərhədlər yumşalır...
• İlham Əliyevin Tehrana səfərini gözləyirik - Arakçı
• 20 Yanvar qırğınında iştirak etmiş əsgərdən şok etiraf
• Hərbçilərimizin Qəzzaya göndərilməsi... - Bayramov
• Trampın yalanı: Zelenski “planı” necə oxumaya bilər?
• Qanun dəyişir: 8 min manat müavinət kimlərə veriləcək?
• Arakçı Şəhidlər xiyabanını ziyarət etdi