Göyçay şəhərinin Nizami küçəsində ağacların gövdəsinin deşilərək, sirkə turşusu tökülməklə qurudulmasına cəhd edilməsi barədə yayılan video ictimai reaksiyalara səbəb olub. Görüntünü yayan şəxsin sözlərinə görə, obyekt tikilməsi üçün ağacların qurudulmasına və nəticədə kəsilməsinə cəhd edilib.

Məsələ ilə bağlı Azərbaycan Respublikası Daxili İşlər Nazirliyinin (DİN) mətbuat xidmətinin Şəki regional qrupundan BUTA.TV-a verilən məlumata görə, əməli törədən şəxs müəyyən edilib və saxlanılıb. Həmin şəxs barəsində İnzibati Xətalar Məcəlləsinin 253.4-cü maddəsi ilə (Meşə fonduna daxil olmayan ağac və ya kol əkililərinin zədələnməsinə görə) protokol tərtib olunub.

8 saylı Regional Ekologiya və Təbii Sərvətlər İdarəsi isə ağaclara yerində baxış keçirib. Müayinənin nəticələrinə əsasən, ağaclara edilən müdaxilə onların məhv olmasına gətirib çıxarmayacaq. Eyni zamanda, ağacların əvvəlki vəziyyətinə qaytarılması məqsədilə müvafiq qulluq tədbirləri görülüb və nəzarətdə saxlanılır.

Hazırda faktla bağlı araşdırmalar davam etdirilir.

• Vüsal Nəsirli direktoru işdən çıxardı – Yeni təyinat
• 2 gün əvvəl dənizdə batan Nurlanın meyiti tapıldı
• “Azercell”in dəstəklədiyi paralimpiyaçılar 34 medal qazandı
• Avqustda orta aylıq temperatur yüksək olacaq
• 36 yaşlI qadın yıxılıb başından xəsarət aldı, öldü
• Ağaclar qəsdən qurudulur: Polis hərəkətə keçdi - Video
• Kolleclərə ixtisas seçimi nə vaxt başlayır?
• Qumar oyunlarına görə cəzalar sərtləşdirilir - Prezident təsdiqlədi