Türkiyənin Əskişəhər vilayətində Gökçekaya Su Elektrik Stansiyasının (SES) Elektrik İstehsalat Mərkəzində transformatorda partlayış baş verib.

BUTA.TV xəbər verir ki, partlayış nəticəsində baş verən yanğında stansiyada çalışan 15 işçi tüstüdən zəhərlənərək yüngül xəsarət alıb.

Yaralılara Alpu Dövlət Xəstəxanasında ilkin tibbi yardım göstərildikdən sonra onlar Əskişəhər şəhər mərkəzindəki Şəhər Xəstəxanası, Yunus Əmrə Dövlət Xəstəxanası və Əskişəhər Osmanqazi Universiteti Tibb Fakültəsi Xəstəxanasına köçürülüb. Hadisə ilə bağlı araşdırmalara başlanılıb.