Sui-qəsd cəhdinə məruz qalan Slovakiya Baş naziri Robert Fitso Bratislavada ev şəraitində müalicə olunacaq.

BUTA.TV xəbər verir ki, bu barədə “Pravda” nəşri məlumat yayıb.

Onun sözlərinə görə, vəziyyəti son günlər xeyli yaxşılaşan Fitso helikopterlə Bratislavaya aparılıb.

Onun Bratislavadakı evində mühafizənin xeyli gücləndirildiyi bildirib.

Hökumət başçısının Banska-Bistritsadakı xəstəxanadan evə köçürülməsi onun təkidi ilə həyata keçirilib.

Qeyd edək ki, mayın 15-də Handlova şəhərində R.Fitsoya qarşı sui-qəsd cəhdi olub. O, 5 güllə yarası alıb və 4 dəfə əməliyyat olunub.