“Bayern Münhen”in və İngiltərə milli komandasının ulduz hücumçusu Harri Keyn karyerasında ilk dəfə “Qızıl top” (“Ballon d'Or”) mükafatına layiq görülüb.

“BUTA.TV” xəbər verir ki, Londondakı məşhur “The London Palladium” zalında keçirilən sayca 70-ci təntənəli mərasimdə 33 yaşlı forvard səsvermədə Kilian Mbappe və Lamin Yamalı geridə qoyaraq dünyanın ən yaxşı futbolçusu seçilib.

Karyerasına başladığı doğma şəhəri Londona “Bayern Münhen”in geniş nümayəndə heyəti, o cümlədən, klub prezidenti Herbert Hayner, baş icraçı direktor Kristof Dreezen və komanda yoldaşı Maykl Olise ilə birlikdə gələn Keyn gecəni iki böyük mükafatla başa vurub. O, “Qızıl top”la yanaşı, mövsümün ən məhsuldar hücumçusuna verilən “Gerd Müller” mükafatının da sahibi olub.

“Qızıl top” mübarizəsində Keynə uduzan “Barselona”nın gənc ulduzu Lamin Yamal 21 yaşa qədər ən yaxşı futbolçuya verilən “Kopa” kubokuna sahib çıxıb. Yamal bu mükafatı ardıcıl 3-cü dəfə qazanaraq rekorda imza atsa da, komanda yoldaşına dəstək nümayış etdirib: “Məncə, bu mükafatı komanda yoldaşım Pau Kubarsi almalı idi. O, mövsüm boyunca inanılmaz dərəcədə yüksəksəviyyəli oyun nümayış etdirdi və bu kuboka tam layiq idi”.

Gecədə digər nominasiyalar üzrə də qaliblər müəyyənləşib. İspaniya milli komandası ilə Dünya Çempionatının qalibi olan Luis de la Fuente “İlin məşqçisi” mükafatına layiq görülüb. İspaniya millisinin və “Atletik Bilbao”nun qapıçısı Unai Simon “İlin qapıçısı” mükafatını qazanaraq ölkəsinin Londondakı zəfərini tamamlayıb. Çempionlar Liqasındakı uğurlu çıxışı ilə diqqət çəkən “Paris Sen-Jermen” (PSJ) isə “İlin klubu” seçilib.

Deputat Arzuxan Əlizadənin oğlunu dəhşətli davada öldürülən Ceyhunla nə birləşdirib? - Deputat Arzuxan Əlizadənin oğlunu dəhşətli davada öldürülən Ceyhunla nə birləşdirib? - Şok fotolar