Ermənistanın Baş naziri Nikol Paşinyan ərazilərin (Qarabağın da daxil olduğu Azərbaycan ərazisi – red.) 1991-ci il sərhədləri daxilində tanınması bəyanatını, görünür, Qərbin təsiri altında verib.

BUTA.TV xəbər verir ki, bu sözləri Rusiya Təhlükəsizlik Şurasının katibi Nikolay Patruşev deyib.

“O, bəyanatlar verdi ki, biz (İrəvan - red.) əraziləri (Azərbaycanın ərazi bütövlüyünü – red.) 1991-ci ilin xəritəsinə görə tanıyacağıq... O, birbaşa Azərbaycana və Ermənistana məxsus olan ərazilərin adını çəkdi (söhbət 86,6 min kv.km və 29,8 min kv.km rəqəmlərindən gedir – red.). Düşünürəm ki, o, bu etirafları, bəyanatları Qərbin təsiri altında verib. Paşinyan onlarla danışıqlar aparıb”, - Patruşev bildirib.