Yaxın bir neçə ayda Rusiya işğalçı qüvvələri yeni genişmiqyaslı hücum həyata keçirmək potensialını artıra bilməyəcək.

BUTA.TV xəbər verir ki, bu fikri Ukraynanın Xarici Kəşfiyyat Xidmətinin veteranı, general-leytenant Vasili Boqdan deyib.

"Müharibə müharibədir, aydındır ki, hər tərəf nəyə nail olmaq istədiyini planlaşdırır. Qış-yaz dövründə düşmənin hücum hərəkətləri gözlənilən idi, bu da proqnozlaşdırıldığı üçün müvafiq tədbirlər görüldü. Məsələ burasındadır ki, onların nə qədər təsirli olduğu, nələr əldə etdiyimiz və tərəfdaşlarımızın buna nə qədər tez reaksiya verməsi kontekstində danışmaq lazımdır. Təbii ki, Rusiyanın hücum planı var, amma sual başqadır: Rusiya Federasiyası bu planları həyata keçirməyə nə dərəcədə qadirdir?" - V.Boqdan bildirib.

Onun sözlərinə görə, Rusiya Prezidenti Vladimir Putinin hələ yaz-yay və ya yay-payız dövrlərində genişmiqyaslı hücuma başlamaq üçün böyük imkanları yoxdur:

"Çətin ki, 3-4 ay ərzində onları hazırlaya bilsin. Ukraynada yerləşən 400 mindən çox işğalçı kontingentin böyük əksəriyyəti fəaldır, lakin həm zirehli texnika, həm də işğalçı qüvvələrin döyüş və mənəvi-psixoloji durumu ilə bağlı problemlər var".

• Prezident Yevdayevi təltif etdi
• Bakıda küçələr yuyuldu - Foto
• Şəhidin hakim qızının öldüyü qəza ilə bağlı hökm oxundu
• İşğaldan azad edilmiş ərazilərdə növbəti səyyar görüşlər...
• 12 yaşlı qızın ölümünə görə 16 yaşlı bacısı saxlanıldı - Yenilənib
• Sabah da 41 dərəcə isti olacaq
• “Vəziyyət çox pisdir...” - “Sədərək”də alver azalır - Video
• Şok əməliyyat: bir neçə sahibkar saxlanıldı - Detallar