Xocalı şəhərinin mərkəzində (keçmiş Xalça fabrikinin yaxınlığında) aparılan qazıntı işləri zamanı kütləvi məzarlıqda qalıqları aşkarlanan və şəxsiyyətləri dəqiqləşdirilmiş 7 nəfərlə vida mərasimi keçirilib.

BUTA.TV xəbər verir ki, mərasim Bərdə rayonundakı məcburi köçkünlər üçün salınmış şəhərcikdə baş tutub.

Vida mərasimində Xocalı soyqırımı qurbanlarının yaxınları, dövlət qurumlarının əməkdaşları və ictimaiyyət nümayəndələri iştirak ediblər.

Daha sonra 7 nəfərin dəfn mərasimi keçirilib. Soyqırımı qurbanları Xocalıda yeni salınan Şəhidlər xiyabanında torpağa tapşırılıb.

Dəfn mərasimində mərhumların yaxınları, dövlət qurumlarının rəsmiləri, ictimaiyyət nümayəndələri iştirak ediblər.

Dəfn olunan şəxslər aşağıdakılardır:

1. Əliyev Ağaəli Naib oğlu - 01.06.1933-cü il;

2. Əliyeva Sürəyya Behbud qızı – 01.06.1933-cü il;

3. Səlimov Xəzər Səyavuş oğlu – 01.09.1974-cü il;

4. Səlimova Tamilla Ağamirzə qızı – 01.06.1935;

5. Cavadov Əli Müsül oğlu - 15.06.1954-cü il;

6. İsmayılov İsmayıl Bəhman oğlu – 01.08.1955-ci il;

7. Nəcəfov Şiraslan Qəmiş oğlu - 1952-ci il təvəllüdlü.

• Suriyada yeni hakimiyyətin qurulmasından sonra... - Prezident
• Moskva Bakıya qarşı “ağır artilleriyanı” işə saldı
• Yaxın zamanlarda Azərbaycan qazı... - Şara
• Zəngəzur dəhlizi ilə bağlı razılaşma: Bakıya təhvil verilir...
• "Sputnik Azərbaycan" FTX-nin filialıdır - Mətbuat Şurası
• Aparıcının efir libası sosial medianı silkələdi - VİDEO
• Türkiyənin Azərbaycanda hərbi bazasına ehtiyac yoxdur
• Bu, sanki Allaha rüşvət verməkdir - Elşad Miri