Azərbaycan və Serbiya Müdafiə nazirlikləri arasında 2024-cü il üçün ikitərəfli hərbi əməkdaşlıq planına əsasən, Müdafiə Nazirliyinin Beynəlxalq Hərbi Əməkdaşlıq İdarəsində iki ölkənin mühəndis təminatı üzrə hərbi ekspertlərinin humanitar minatəmizləmə mövzusunda işçi görüşü keçirilib.
Bu barədə BUTA.TV-a Müdafiə Nazirliyindən məlumat verilib
Bildirilib ki, görüşdə Mühəndis Qoşunları Baş İdarəsinin rəisi general-mayor Anar Kərimov qonaqlara Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi ilə Vətən müharibəsində qazanılan qələbədən sonra azad edilmiş ərazilərdə minaların təmizlənməsi üzrə görülən işlər barədə ətraflı məlumat verib.
Qeyd edilib ki, işğaldan azad edilmiş çətin relyefə malik ərazilərdə xidmətin yüksək səviyyədə təşkili üçün mühəndis təminatı üzrə zəruri tədbirlər plana uyğun olaraq digər dövlət qurumları ilə qarşılıqlı əlaqədə davam etdirilir.
Görüşdə, həmçinin minalar, əldəqayırma partlayıcı qurğular və partlamamış döyüş sursatlarının zərərsizləşdirilməsi üçün hər iki ölkənin silahlanmasında olan texnika, eləcə də mühəndis bölmələrinin təchizatı və digər zəruri mövzular barəsində ətraflı fikir mübadiləsi aparılıb.
- Bu xəbərlərə də göz at
- Zelenski şərtini açıqladı
- Almaniya əfqanları bu yolla ölkədən çıxarır
- F-16-lar prioritet hədəfə çevriləcək - Şeremet
- Antalya hava limanına dəqiqədə bir təyyarə enir
- Həcc ziyarətində 6 zəvvar istidən öldü
- Ağ Evdən Paşinyana “sülh masasını tərk et“ təlimatı verilib: ABŞ Qafqazda artıq yeni savaş ssenarisi qurur