Gürcüstanın baş naziri İrakli Kobaxidze “Xarici təsirin şəffaflığı haqqında” qanunun qəbulu ilə əlaqədar Avropa komissarı tərəfindən təhdidlərə məruz qaldığını açıqlayıb.
BUTA.TV xəbər verir ki, baş nazir bu barədə yerli mediaya açıqlamasında deyib.
“Uzun sürən şantaj fonunda Avropa komissarlarından biri ilə telefon danışığı zamanı edilən hədə təəccüblü idi. Xüsusən də mənimlə söhbətində Avropa komissarı vetonun dəf edilməsindən sonra Qərb siyasətçilərinin görə biləcəyi bir sıra tədbirləri sadalayıb. O, bu tədbirləri sadalayarkən qeyd edib: "Fitsoya (Slovakiya baş nazirinə qarş sui-qəsd olayı – red.) nə baş verdiyini gördünüz və diqqətli olmalısınız”, - deyə Kobaxidze bildirib.
Onun sözlərinə görə, bu kontekstdə Slovakiyanın baş nazirinin taleyinin xatırlanması çox təşviş doğurur.
Qeyd edək ki, Gürcüstan parlamenti ölkə daxilindəki etirazlara və beynəlxalq tərəfdaşların çağırışlarına baxmayaraq, mayın 14-də “Xarici təsirin şəffaflığı haqqında” qanunu qəbul edib. Gürcüstan prezidenti isə qanunun qəbul edilməməsini tələb edərək ona veto qoyub.
- Bu xəbərlərə də göz at
- İsveçrə sammiti: Bu ölkələr yekun sənədi imzalamadılar
- Bakıda yaşayış binasında yanğın: Sakinlər təxliyə olundu
- ABŞ-la münasibətlər yenidən qurulacaq - Kaladze
- Razıyam, Putin burada olmalı idi... - Rutte
- Kubaya gedən rus sualtısı Britaniya sahillərindən keçib
- Hərbi hissələrdə valideynlərlə görüş qadağan edildi - Səbəb