Sosial mediada sürətlə yayılan yeni trend təhlükə saçır.

BUTA.TV Medicina.az-a istinadən xəbər verir ki, izləyici sayı çox olan bəzi sağlamlıq səhifələri gənəgərçək yağı içərək arıqlamağın mümkün olduğu, hətta bu yağın xərçəngi müalicə etdiyi ilə bağlı məlumatlar yayıblar. Ancaq mütəxəssislər bunun çox təhlükəli üsul olduğunu, gənəgərçək yağı içənlərin müxtəlif sağlamlıq problemləri yaşayacaqları ilə bağlı xəbərdarlıq edirlər.

Ekspertlər qeyd edirlər ki, saç qulluğunda uzun müddətdir istifadə edilən gənəgərçək yağının daxilə qəbulu yolverilməzdir.

Gənəgərçək yağı içənlərin üzləşdiyi ən yüngül simptomlar şiddətli qarın ağrısı və ishaldır. Qəbul edildikdən sonra gənəgərçək yağı prostaglandin reseptorlarını aktivləşdirir, məzmunu tam həzm etməyə və bərk nəcis əmələ gətirməyə vaxt vermədən nazik bağırsaqda daralmalara səbəb olur.

Mütəxəssislər xəbərdarlıq ediblər ki, gənəgərçək yağı bağırsaqda mayenin udulmasına mane olur və bağırsaq hərəkətlərini sürətləndirir. Bu vəziyyət orqanizmin qidalanmasına mane olaraq bədəndə susuzluğa və elektrolit balansının pozulmasına gətirib çıxarır.

Bu yağı içməyin uzunmüddətli istifadəsi zamanı əks təsirlər daha dəhşətli ola bilər. Ona görə də onu içməkdən çəkinmək lazımdır.

Həkimlər vurğulayırlar ki, gənəgərçək yağının arıqlatdığı və ya xərçəng kimi ciddi xəstəliklərə təsir etdiyinə dair heç bir elmi sübut yoxdur.

• Aşxen Aleksanyan Azərbaycana casusluq ittihamı ilə saxlanıldı
• Azərbaycan Cənubi Qafqazda davamlı sülhün bərqərar olmasına çalışır
• Türkiyəyə qarşı “təzyiq aləti” - Paşinyan imkan vermədi
• Alimdən xəbərdarlıq: Nəsiminin gorunu açmaq...
• Rusiya səfirliyimizə raket atdı
• Azərbaycanla sülhün olması o demək deyil ki... - Paşinyan
• Prezident Maqdalena Qrononu qəbul etdi - Foto
• Bakı və bizi dəvət ediblər, üzv ola bilərik - Mirzoyan