Avro-Atlantik Azərbaycanlılar Tərəfdaşlıq Şurası ( EAPCA) Fransanın Ermənistana öldürücü silahların satışına qarşı çıxış edərək bəyanat imzalayıb.

BUTA.TV Report-a istinadən xəbər verir ki, qurumun baş katibi Sahil Qasımovun imzaladığı sənəddə Fransanın Cənubi Qafqazda aqressiv siyasət yeritdiyi və Ermənistanı Azərbaycana qarşı revanşizmə, müharibəyə təhrik etdiyi qeyd olunur.

“Avro-Atlantik coğrafiyasında fəaliyyət göstərən beynəlxalq transmilli lobbi strukturu olan Avro-Atlantik Azərbaycan Tərəfdaşlıq Şurası Fransanın Cənubi Qafqazdakı çirkin siyasətinin beynəlxalq konvensiyalara zidd olduğunu bəyan edir”, - məlumatda bildirilib.

EAPCA-da hesab edirlər ki, Fransanın qanlı hərbi təcavüz təcrübəsi olan Ermənistana hücum və öldürücü silahlar verməsi, Ermənistanla Fransa arasında hərbi əməkdaşlıq sahəsinin genişlənməsi yeni müharibənin başlanmasını qaçılmaz edir.

Bəyanatda qeyd olunub ki, Ermənistan silahlı qüvvələrinin Azərbaycanla sərhəddə, xüsusən də Naxçıvan istiqamətində atəşkəsi pozması birmənalı olaraq Fransanın Ermənistana göstərdiyi hərbi-texniki dəstəyin nəticəsidir:

“Azərbaycanlıların Avro-Atlantik Tərəfdaşlıq Şurası Fransa ilə Ermənistan arasında “Sezar” özüyeriyən artilleriya qurğularının alqı-satqısına dair müqavilənin imzalanmasını qətiyyətlə pisləyir və bunu Fransanın Azərbaycana qarşı növbəti təxribatı hesab edir. Bu cür hallar Azərbaycan və Ermənistan arasında münasibətlərin normallaşması prosesinə, eləcə də regionda sülh və əmin-amanlığın bərqərar olması səylərinə xələl gətirmək məqsədi daşıyır”.

• Tehranın Bakıya “hücum” taktikası – İran nədən qorxur?
• Bakının sərt etirazına Tehrandan cavab
• İran yenə həddini aşdı - Videosüjet
• “Ağsaqqal” kimi tanınan Azər Baxşəliyev ölüm xəbəri yayıldı
• Tramp və Mask hədəfdə: milyarderin Putin və Si ilə əlaqəsi…
• Azərbaycanda qaz və işıq bahalaşdı - Rəsmi
• Moskvada Əsədi zəhərlədilər - KİV
• Türkiyə sürətlə güclənir: İrəvan əlaltıdır - Karapetyan