İsmayıllı rayonunun Qoydan kəndində torpaq sürüşməsi nəticəsində sakinlərin təxliyəsinə başlanılıb.

BUTA.TV xəbər verir ki, bu barədə Report-a İsmayıllı Rayon İcra Hakimiyyətindən məlumat verilib.

Qeyd edilib ki, sakinlərin müvəqqəti olaraq kirayə evlərə köçürülməsi nəzərdə tutulur.

Qeyd edək ki, bir neçə gündür intensiv yağışlar nəticəsində rayonun Qoydan kənd ərazisində torpaq sürüşməsi baş verib. Təbiət hadisəsi kənd sakinlərinin evlərinə xeyli ziyan vurub, yaşayış üçün təhlükəli vəziyyət yaranıb.

Ötən gün Qızıl Aypara Cəmiyyəti tərəfindən kənd sakinlərinə müvəqqəti məskunlaşmaq üçün xüsusi çadırlar verilməsinə baxmayaraq, artıq bu gündən FHN-in əməkdaşları sakinlərə kəndi dərhal tərk etməyi tövsiyə ediblər. Onların bir hissəsinin qohum evlərinə, bir hissəsinin isə kirayə mənzillərə köçürülməsi nəzərdə tutulur.

Hazırda kənddə təxliyə işləri davam edir.

• “Azərsun Holdinq” şəkər çuğunduru emalı həcmini artırır
• Sabah Məhərrəm ayı bitir
• Rafael Ağayevə ağır itki
• Azərbaycanda dövlət qurumu ləğv edildi
• Prezident jurnalisti görüb avtomobildən düşdü - Video
• Bakıda mağazadan terminal oğurlandı - Anbaan video
• “Azəriqaz” Samuxda payız-qış mövsümünə hazırlığı davam etdirir
• “Belə avtomobillə heç yerə getmərəm”